বৰপেটাত এন এছ ইউ আইত যোগদান শতাধিক ছাত্ৰৰ

বৰপেটাৰোডৰ ৰাজীৱ ভৱনত অনুষ্ঠিত হোৱা কংগ্ৰেছৰ যোগদান সভাত এন এছ ইউ আইত যোগদান কৰে প্ৰায় ডেৰ শতাধিক ছাত্ৰই ৷ সভাখনত কংগ্ৰেছ দলৰ বহু কৰ্মীৰ লগতে বিভিন্ন পঞ্চায়তৰ সভাপতি সকল উপস্থিত থাকে ৷

বৰপেটাৰোড, 28 ছেপ্টেম্বৰ : দেওবাৰে বৰপেটাৰোডৰ ৰাজীৱ ভৱনত অনুষ্ঠিত হয় কংগ্ৰেছৰ এখন যোগদান সভা ৷ সৰভোগ সমষ্টিৰ যুৱ কংগ্ৰেছ কমিটি আৰু এন এছ ইউ আই সৰভোগ সমষ্টি কমিটিৰ উদ্যোগত অনুষ্ঠিত হয় এই সভাখন ৷ সমষ্টিটোৰ ভিন্ন প্ৰান্তৰ পৰা প্ৰায় ডেৰ শতাধিক ছাত্ৰই এই সভাখনৰ জৰিয়তে এন এছ ইউ আইত যোগদান কৰে ৷ যুৱ কংগ্ৰেছৰ সৰভোগ সমষ্টি কমিটিৰ সভাপতি ফাৰুক খানৰ সভাপতিত্বত অনুষ্ঠিত হোৱা সভাখনত যোগদান কৰা লোকসকলক আদৰণি জনায় এন এছ ইউ আইৰ সদস্যসকলে ৷

কংগ্ৰেছৰ এই যোগদান সভাত অসম প্ৰদেশ কংগ্ৰেছৰ কাৰ্যনিৰ্বাহক ৰাজীব হকে বিজেপিক কঠোৰ সমালোচনা কৰি আগন্তুক নিৰ্বাচনত সৰভোগৰ বিধায়ক ৰণজিৎ কুমাৰ দাসে পৰাজয় বৰণ কৰিব বুলিও উল্লেখ কৰে ৷ সভাখনত বৰপেটাৰোড ব্লক কংগ্ৰেছৰ সভাপতি প্ৰদীপ সাহা, চকচকা ব্লক কংগ্ৰেছৰ সভাপতি কল্যাণজিৎ দাসৰ লগতে বিভিন্ন পঞ্চায়তৰ সভাপতি সকল উপস্থিত থাকে ৷ যোগদান সভাত বাঘবৰ সমষ্টিৰ প্ৰাক্তন বিধায়ক তথা প্ৰাক্তন মন্ত্ৰী দিলদাৰ ৰেজ্জাৰে মৃত্যুত শোক প্ৰকাশ কৰে ৷

অন্য এক খবৰৰ বাবে: হিমন্ত বিশ্ব শৰ্মা মুখ্যমন্ত্ৰী হলে ভাল পাব ৰকিবুল হুছেইনে