বৰপেটা, ২৩ এপ্ৰিলঃ বৰপেটাৰ হাউলীত সংঘটিত হৈছে এক ভয়ংকৰ পথ দুৰ্ঘটনা ৷ খাদ্য় নিগমৰ চাউল কঢ়িওৱা এখন ট্ৰাক দুৰ্ঘটনাত পতিত ৷ নিয়ন্ত্ৰণ হেৰুৱাই ৰাষ্ট্ৰীয় ঘাইপথৰ দাতিত ট্ৰাকখন বাগৰি পৰাৰ ফলত ট্ৰাকখনৰ চালকজনৰ লগতে হেণ্ডিমেনজন গুৰুতৰভাৱে আহত হয় ৷ দুৰ্ঘটনাত পতিত ট্ৰাকখনৰ নম্বৰ AS-O1DC-9686 ট্ৰাকখনে বৰপেটাৰোডৰ খাদ্য নিগমৰ গুদামৰ পৰা বাঘবৰলৈ কঢ়িয়াই আনিছিল চাউল ৷
লক্ষ্যণীয়ভাৱে দুৰ্ঘটনাটোত আহত বাচেদ আলী নামৰ হেণ্ডিমেনজনৰ বয়স মাথো ১৪ বছৰ ৷ শ্ৰম আইন ভংগ কৰি শিশুজনক ৰাখিছিল হেণ্ডিমেন হিচাপে আনহাতে আহত চালকজনৰ নাম শ্বাহ আলম ৷ গুৰুতৰভাৱে আঘাতপ্ৰাপ্ত হেণ্ডিমেনজনক হাউলী চিকিৎসালয়ত ভৰ্তি কৰা হৈছিল যদিও তেওঁক বৰপেটা মেডিকেল কলেজ চিকিৎসালয়লৈ প্ৰেৰণ কৰা হৈছে ৷ ইপিনে লক ডাউনৰ বাবেই যান বাহনৰ চলাচল সীমিত থকাৰ বাবেই ভয়াৱহ অঘটনৰ কথমপি ৰক্ষা পৰে বহু লোক ৷
লগতে পঢকঃ তেজপুৰত জব্দ ধঁপাত সৰবৰাহ কৰা বাহন
