বৰপেটা ৮ আগষ্ট : বিদ্যুৎ সংশোধনী বিধেয়ক ২০২২ৰ জৰিয়তে বিদ্যুৎ বিভাগক ব্যক্তিগতকৰণ কৰিব বিচৰা কাৰ্যৰ বিৰুদ্ধে জাঙুৰ খাই উঠিছে সমগ্ৰ দেশৰ বিদ্যুৎ বিভাগৰ বিষষা-কৰ্মচাৰীসকল(Electricity workers protest)৷ সমান্তৰালকৈ বিদ্যুৎ সংশোধনী বিধেয়ক ২০২২ বাতিলৰ দাবীত বৰপেটাতো বিদ্যুৎ কৰ্মচাৰীসকলে সোমবাৰে প্ৰতিবাদ সাব্যস্ত কৰে(Electricity Amendment Bill 2022)৷
বৰপেটাৰ বিদ্যুৎ বিভাগৰ উপ-সংমণ্ডলত কৰ্মৰত অভিযন্তা আৰু বিষয়া-কৰ্মচাৰীসকলে সোমবাৰে পালন কৰে দিনজোৰা কৰ্মবিৰতি ৷ ব্যক্তিগতকৰণৰ ফলত বিদ্যুৎ গ্ৰাহকসকলৰ বিলৰ ধন বৃদ্ধিৰ লগতে আন আন ক্ষেত্ৰতো ভীষণ ক্ষতিৰ সন্মুখীন হ'ব লাগিব বুলিও অভিযোগ বিদ্যুৎ কৰ্মচাৰীসকলৰ ৷ বিদ্যুৎ ব্যক্তিগতকৰণৰ ফলত বৃহৎ উদ্যোগীসকলক অগ্ৰাধিকাৰ দিয়াৰ বিপৰীতে কৃষি ক্ষেত্ৰই হওক বা আন ক্ষেত্ৰসমূহে বিদ্যুতৰ পৰা বঞ্চিত হ'বলগা আশংকাও ব্যক্ত কৰে বিদ্যুৎ কৰ্মচাৰীসকলে ৷
সৰ্বসাধাৰণ বিদ্যুৎ গ্ৰাহকক মাধমাৰ শোধোৱা বিদ্যুৎ সংশোধনী বিধেয়ক ২০২২ বাতিল নকৰা পৰ্যন্ত বিদ্যুৎ কৰ্মচাৰীসকলে এনেদৰে আন্দোলন অব্যাহত থাকিব বুলিও হুংকাৰ প্ৰদান কৰে বিদ্যুৎ কৰ্মচাৰীসকলে ৷
লগতে পঢ়ক : APDCL Workers Press Conference: বিদ্যুৎ বিভাগৰ অস্থায়ী কৰ্মচাৰীৰ চাকৰি নিয়মীকৰণৰ দাবী
