পাঠশালা, 23 ডিচেম্বৰ: পাঠশালাত দেওবাৰে নিশা এঘাৰ বজাত সংঘটিত হয় এক ভয়াৱহ অগ্নিকাণ্ডৰ ঘটনা ৷ পাঠশালাৰ ষ্টেচন ৰোডৰ কানাড়া বেংকৰ সমীপত তিনিটাকৈ চিলিণ্ডাৰ বিস্ফোৰণৰ ফলত সংঘটিত হয় এই ঘটনা ৷
পাঠশালাত ভয়াবহ অগ্নিকাণ্ড: ভষ্মীভূত 30 লক্ষাধিক টকাৰ সম্পত্তি
এই অগ্নিকাণ্ডৰ ফলত সম্পূৰ্ণৰূপে ভস্মীভূত হয় এখন চাহৰ দোকান,এখন ষ্টেচনাৰী দোকানৰ লগতে এখন বিস্কুটৰ পাইকাৰী ব্যৱসায়িক প্ৰতিষ্ঠান ৷ অগ্নিকাণ্ড সংঘটিত হোৱাৰ প্ৰায় বিশ মিনিট পিছত ঘটনাস্থলীত অগ্নিনিৰ্বাপক বাহিনীৰ তিনিখনকৈ গাড়ী উপস্থিত হৈ জুই নিৰ্বাপন কৰে ৷ প্ৰায় 30 লক্ষাধিক টকাৰ সম্পত্তি ভষ্মীভূত হয় অগ্নিকাণ্ডটোত ৷ অগ্নিকাণ্ডৰ কাৰণ এতিয়াও জানিব পৰা হোৱা নাই ৷
লগতে চাওকঃ ৰাজ্যৰ বিভিন্ন প্ৰান্তত অব্যাহত CAA বিৰোধী আন্দোলন
