জনীয়া,11 জানুৱাৰী: কলগাছিয়াৰ নৱজ্যোতি মহাবিদ্যালয় খেলপথাৰত ছিপা এন.জি.অৰ উদ্যোগত সোমবাৰে অনুষ্ঠিত হয় এখন দিবা-নৈশ প্ৰাইজমানি ভলীবল প্ৰতিযোগিতা ৷ প্ৰতিযোগিতাৰ উদ্বোধনী সভাত সভাপতিত্ব কৰে শিক্ষক ৰফিকুল ইছলামে ৷
আনহাতে প্ৰতিযোগিতাৰ উদ্বোধক হিচাপে উপস্থিত থাকে অসম উচ্চ শিক্ষাৰ প্ৰাক্তন সঞ্চালক দেলোৱাৰ হুছেইন আৰু নৱজ্যোতি মহাবিদ্যালয়ৰ প্ৰাক্তন অধ্যক্ষ এম মোজাম্মেল হুছেইনে ৷ প্ৰতিযোগিতাৰ উদ্বোধনী খেলখন মানিকপুৰ ভলীবল ক্লাৱ আৰু বালাগাওঁ ভলীবল ক্লাৱৰ মাজত অনুষ্ঠিত হয় ৷
ইয়াৰ উপৰিও প্ৰতিযোগিতাত উপস্থিত থাকে জনীয়া সমষ্টিৰ বিধায়ক ড৹ হাফিজ ৰফিকুল ইছলাম, নৱজ্যোতি মহাবিদ্যালয়ৰ অধ্যাপক আব্দুল হালিম,বৰপেটা জিলাৰ এ আই ইউ ডি এফ কমিটিৰ সাধাৰণ সম্পাদক আশ্ৰাফুল মামুন,সমাজকৰ্মী নজৰুল ইছলামৰ লগতে অঞ্চলৰ ভালেসংখ্যক গণ্য-মান্য ব্যক্তি ৷
লগতে পঢ়কঃ চৰকাৰলৈ শেষ সকীয়নি লাইকা-দধীয়াবাসীৰঃ 20 জানুৱাৰী শেষ তাৰিখ
