বহিঃৰাজ্যত তিয়ঁহ ৰপ্তানি নোহোৱাৰ বাবে বিধ্বস্ত খেতিয়ক

এইবেলি বহিঃৰাজ্যত তিয়ঁহৰ চাহিদা একেবাৰে হ্ৰাস পোৱাত অন্য ৰাজ্যলৈ একেবাৰে ৰপ্তানি হোৱা নাই তিয়ঁহ ৷ ফলত লাখ লাখ টকা লোকচানৰ সন্মুখীন হৈছে খেতিয়কসকলে ।

জনীয়া, 2 ফেব্ৰুৱাৰীঃ মূৰে-কপালে হাত দিবলগীয়া হৈছে বৰপেটা জিলাৰ জাহোৰপাম অঞ্চলৰ তিয়ঁহ খেতিয়কসকল । বিগত বছৰবোৰত বহিঃৰাজ্যত তিয়ঁহৰ চাহিদা বৃদ্ধি পোৱা বাবে উক্ত অঞ্চলটোৰ খেতিয়কসকলে বন্ধন বেংকৰ লগতে বিভিন্ন ঠাইৰ পৰা ঋণ লৈ হেজাৰ হেজাৰ বিঘা মাটিত তিয়ঁহ খেতি কৰিছিল । কিন্তু এইবেলি বহিঃৰাজ্যত তিয়ঁহৰ চাহিদা একেবাৰে হ্ৰাস পোৱাত অন্য ৰাজ্যলৈ একেবাৰে ৰপ্তানি হোৱা নাই তিয়ঁহ ফলত লাখ লাখ টকা লোকচানৰ সন্মুখীন হৈছে খেতিয়কসকল ।

লগতে পঢ়কঃ টিংখাঙৰ দৰিদ্ৰ পৰিয়ালৰ জীৱন সংগ্ৰামৰ জীয়া কাহিনী.....

জানিব পৰা মতে, এইবেলি বজাৰত দেৰ টকাৰ পৰা দুই টকা দামতহে বিক্ৰী হৈছে তিয়ঁহ । যি দামত বিক্ৰী কৰি ঠেলা ভাড়া পৰ্যন্ত সংগ্ৰহ হোৱা নাই খেতিয়কসকলৰ । যাৰ ফলত এতিয়া মূৰে-কপালে হাত দিবলগীয়া হৈছে খেতিয়কসকলে । এই ক্ষেত্ৰত চৰকাৰৰ পৰা আৰ্থিক সহায় বিচাৰিছে জনীয়া অঞ্চলটোৰ তিয়ঁহ খেতিয়কসকলে । অন্যথা আত্মহত্যাৰ বাদে খেতিয়ক সকলৰ হাতত অন্য কোনো বিকল্প নাই বুলি বাৰে বাৰে দোহাৰে খেতিয়কসকলে ।