বৰপেটা, 22 জানুৱাৰী : বৰপেটা জিলাৰ মন্দিয়া শিক্ষাখণ্ডৰ অন্তৰ্গত 279 নম্বৰ প্ৰাথমিক বিদ্যালয়ৰ প্ৰধান শিক্ষয়িত্ৰীয়ে ছাত্ৰ ছাত্ৰীৰ জীৱনক লৈ চৰম হেতালি খেলাৰ অভিযোগ উত্থাপন হৈছে ৷ বিদ্যালয়খনৰ প্ৰধান শিক্ষয়িত্ৰী মমতাজ বেগমে নতুন বৰ্ষৰ 21 দিন অতিক্ৰম কৰাৰ পাছতো দুই-এখন কিতাপ দিয়াৰ বাহিৰে যোগান ধৰা নাই সম্পূৰ্ণ কিতাপ ৷ ছাত্ৰ-ছাত্ৰী আৰু অভিভাৱকে সদৰি কৰা অনুসৰি বিদ্যালয়খনৰ শিক্ষয়িত্ৰী মমতাজ বেগমে সপ্তাহত মাত্ৰ দুই-তিনিদিন বিদ্যালয়ত আহে আৰু প্ৰায় দুই ঘন্টা বিদ্যালয়ত উপস্থিত থাকিয়েই সম্পূৰ্ণ দৰমহা আদায় লৈ আছে ৷
আনহাতে বিদ্যালয়ৰ ছাত্ৰ-ছাত্ৰীক মধ্যাহ্ন ভোজন দিয়াৰ নামতো প্ৰধান শিক্ষয়িত্ৰীগৰাকীয়ে ব্যাপক খেলিমেলি সংঘটিত কৰা অভিযোগ কৰিছে বিদ্যালয়ৰ ছাত্ৰ ছাত্ৰীৰ লগতে একাংশ অভিভাৱকে ৷ অভিভাৱকসকলে সদৰি কৰা অনুসৰি চৰকাৰী বিষয়া আৰু বিদ্যালয়ৰ পৰিচালনা সমিতিৰ সভাপতি এছাহাক আলীক মেনেজ কৰি মমতাজ হুছেইনে নিজৰ খিয়াল খুচি মতে চলাই গৈছে বিদ্যালয় । দুৰ্নীতিগ্ৰস্ত শিক্ষয়িত্ৰী মমতাজ বেগমক বিদ্যালয়খনৰ পৰা শাস্তিমূলক বদলিৰ আহ্বান জনাইছে অভিভাৱ সকলে ৷
লগতে পঢ়ক.....
প্লাষ্টিকৰ বিৰুদ্ধে বিজয়ৱাড়াৰ কনকা দূৰ্গা ইন্দ্ৰকীলাদ্ৰি মন্দিৰ কৰ্তৃপক্ষৰ কঠোৰ নিৰ্দেশাৱলী
