কলগাছিয়াত বিঘাই বিঘাই কৰিছে ভাং খেতি

কলগাছিয়াত আৰক্ষীৰ বিৰুদ্ধে অবৈধ ভাং ব্যৱসায়ীৰ লগত সম্পৰ্ক থকাৰ লগতে,বৃহৎ পৰিমাণৰ টকাৰ লেন দেনেৰে অবৈধ তীৰ, জুৱা খেল চলাই অহাৰো অভিযোগ আমছুৰ ৷

কলগাছিয়া, 9 জানুৱাৰী: কলগাছিয়াৰ চিকনী,সাওঁৰাচৰা,জাউৰিমাৰী,মুহিয়া আৰু ক্ষুদ্ৰখোৱা আদি গাঁৱত পৰিলক্ষিত হৈছে বিঘাই বিঘাই ভাং খেতি ৷ অবৈধ ভাং ব্যৱসায়ীৰ লগত আৰক্ষীৰ সম্পৰ্ক থকাৰ অভিযোগ আমছুৰ ৷ তদুপৰি কলগাছিয়া,বামুনটাৰী,খৰিচালা,লাচাংগা,গুনিয়ালগুৰি,ৰামপুৰ আদি ঠাইত,আৰক্ষীয়ে বৃহৎ পৰিমাণৰ টকাৰ লেন দেনেৰে অবৈধ তীৰ,জুৱা খেল আদিও চলাই আহিছে বুলি অভিযোগ উত্থাপিত হৈছে ৷ যাৰ ফলত সম্প্ৰতি অবৈধ তীৰ,জুৱা আৰু ভাঙত একাংশ উঠি অহা যুৱ প্ৰজন্ম আসক্ত হোৱা দেখা গৈছে ৷

ইতিমধ্যে,আমছু কৰ্মী ইউনুছ আলীয়ে বৃহৎ পৰিমাণৰ ধনৰ বিনিময়ত আৰক্ষীয়ে অবৈধ ব্যবসায়ীসকলক সক্ৰিয় সহযোগ আগবঢ়াই অহাৰ অভিযোগ উত্থাপন কৰাৰ লগতে,কলগাছিয়াৰ অলিয়ে-গলিয়ে চলি থকা তিৰ-জুৱা খেল বন্ধ কৰিবলৈ আমছুৰ কৰ্মকৰ্তা সকলে দাখিল কৰা অভিযোগ পত্ৰ গ্ৰহণ নকৰাৰো আন এক গুৰুতৰ অভিযোগ উত্থাপন হৈছে ৷ এই ক্ষেত্ৰত অতি শীঘ্ৰেই প্ৰশাসনক বিহীত ব্যৱস্থা ল'বলৈ দাৱী জনাইছে আমছুৱে ৷

লগতে পঢ়ক : ডিমা হাচাওত চাৰিলেনযুক্ত ৰাষ্ট্ৰীয় ঘাইপথ নিৰ্মাণত গাঁফিলতি