বৰপেটা,২০ জুনঃ বৰপেটা জিলাৰ সৰভোগৰ ৩১ নং ৰাষ্ট্ৰীয় ঘাইপথত এক ভয়ানক দুৰ্ঘটনা সংঘটিত হয় ৷ সৰভোগত অৱস্থিত মইনবৰি সত্ৰৰ সমীপত পিছফালৰ পৰা অহা তীব্ৰবেগী ট্ৰাকে স্কুটীত খুন্দিওৱাৰ ফলত এজন যুৱকৰ মৃত্যু ৷ নিহত যুৱকজন সৰভোগৰ বাৰেগাঁৱৰ সনাতন কলিতাৰ পুত্ৰ প্ৰদীপ কলিতা (২৬) বুলি জানিব পৰা গৈছে ৷ আনহাতে প্ৰদীপ কলিতাৰ লগত যোৱা বৰপেটাৰ নৃপেন দাস গুৰুতৰভাৱে আহত হয় ৷
আৰক্ষীয়ে জনোৱামতে সৰভোগৰ পৰা বৰপেটাৰোড অভিমুখী ট্ৰাকৰ খুন্দাত ঠিতাতে মৃত্যু হয় যুৱকজনৰ বুলি উল্লেখ কৰে ৷ ইপিনে গুৰুতৰভাৱে আহত নৃপেন দাসক বৰপেটা মেডিকেল কলেজ হাস্পতাললৈ প্ৰেৰণ কৰা হয় ৷ নিহত যুৱকজন আছিল পৰিয়ালটোৰ একমাত্ৰ উপাৰ্জনক্ষম ব্যক্তি পিতৃ দুৰ্ঘটনাত পতিত হৈ পংগু হৈ ঘৰত পৰি থকাৰ ফলত পুত্ৰৰ উপাৰ্জনৰ ওপৰতে নিৰ্ভৰশীল আছিল পৰিয়ালটো ৷ ইফালে যুৱকজনে মৃত্যুৰ সময়ত পিতৃ মাতৃৰ সৈতে পত্নী আৰু এটি কনমাণি সন্তান এৰি থৈ গৈছে ৷ এই ঘটনাটোৱে সৰভোগ অঞ্চলত শোকৰ ছাঁ পেলাইছে ৷
লগতে পঢকঃ ইজৰাইলত সমলিংগ সাংসদৰ সংখ্যা বৃদ্ধিৰ অভিলেখ
