বৰপেটা,18 ডিচেম্বৰ : বৰপেটাৰোডৰ 31 নম্বৰ ৰাষ্ট্ৰীয় ঘাইপথৰ সাতবইনীৰটুপত মঙলবাৰে পুৱতি নিশা সংঘটিত হয় ভয়ংকৰ পথ দুৰ্ঘটনা ৷ দুৰ্ঘটনাত থিতাতে নিহত হয় দুজনকৈ যুৱক ৷ নিহত যুৱকদ্বয় জিন্টু ৰয় আৰু ভগীৰথ দাস বুলি চিনাক্ত ৷
বৰপেটাৰোডত পথ দুৰ্ঘটনাত নিহত 2
বৰপেটাৰ শিমলাগুৰীৰ পৰা বালাভিঠালৈ AS-15Q-4726 বাইকলৈ গৈ থকা সময়ত বিপৰীত দিশৰ পৰা অহা এখন তীব্ৰবেগী ট্ৰাকে মহতিয়াই নিয়ে যুৱকদ্বয়ক ৷ ফলত যুৱক দুজন থিতাতে নিহত হয় ৷ নিহত যুৱকদ্বয়ৰ ঘৰ বৰপেটাৰোডৰ বালাভিঠাত ৷ আনহাতে দুৰ্ঘটনাটো সংঘটিত হোৱাৰ পাছতেই পলায়ন কৰে ট্ৰাকখনৰ চালকে ৷ বৰপেটাৰোড আৰক্ষীয়ে বুধবাৰে যুৱকদ্বয়ৰ মৃতদেহ মৰণোত্তৰ পৰীক্ষাৰ অন্তত পৰিয়ালক চমজাই দিয়ে ৷
আৰু পঢ়ক : নিশা NIA-ই সংগোপনে দিল্লীলৈ নিলে কৃষক নেতা অখিল গগৈক
