বৰপেটাত চুৰিকাঘাতত আহত গৰিয়া-মৰিয়া দেশী জাতীয় পৰিষদৰ নেতা

বৰপেটাৰ চেঙাত গৰিয়া-মৰিয়াৰ সম্পাদক আজিজুৰ ৰহমানক চুৰিৰে আক্ৰমণ কৰে এজন ব্যৱসায়ীয়ে ৷ বৰ্তমান সংকটজনক অৱস্থাত আজিজুৰক বৰপেটা মেডিকেল কলেজ হাস্পতালত ভৰ্তি কৰা হৈছে ৷ কেব বিৰোধী প্ৰতিবাদ চলাই থকাৰ মাজতে সংঘটিত এই অঘটন ৷

বৰপেটা, 12 ডিচেম্বৰঃ বৰপেটাৰ চেঙাত কেব বিৰোধী প্ৰতিবাদ চলাই থকাৰ মাজতে এক অঘটন সংঘটিত হয় । বৃহস্পতিবাৰে গৰিয়া-মৰিয়া দেশী জাতীয় পৰিষদৰ চেঙা আঞ্চলিক সমিতিৰ সম্পাদক আজিজুৰ ৰহমানৰ নেতৃত্বত এটা দলে বৰপেটাত কেব বিৰোধী আন্দোলন চলায় ৷ বন্ধ সমৰ্থনকাৰী দলটোৱে চেঙাৰ মুছলমানপাৰা চ’কত উপস্থিত হৈ ব্যৱসায়িক প্ৰতিষ্ঠানসমূহ বন্ধ কৰাৰ বাবে আহ্বান জনায় ৷ দোকান বন্ধ কৰিবলৈ দিয়া এই আহ্বানৰ বাবে দলটোৰ লগত মজিবুৰ নামৰ ব্যৱসায়ীজনৰ তৰ্ক-বিতৰ্কৰ সৃষ্টি হয় ৷ এই কথাত ক্ষুণ্ণ হৈ সন্ধিয়া মজিবুৰ ৰহমানে গৰিয়া-মৰিয়াৰ সম্পাদক আজিজুৰ ৰহমানক চুৰিৰে আক্ৰমণ কৰে ৷ মজিবুৰক এই কাৰ্যত সহযোগ কৰে দুই ভাতৃ ক্ৰমে ৰাজা আলী আৰু ফখৰুদ্দিন আলীয়ে ৷ বৰ্তমান সংকটজনক অৱস্থাত আজিজুৰক বৰপেটা মেডিকেল কলেজ হাস্পতালত ভৰ্তি কৰা হৈছে ৷

লগতে চাওকঃৰঙাপৰাত অগপৰ কাৰ্যালয়ত অগ্নি সংযোগ প্ৰতিবাদকাৰীৰ