বিহাৰ নিৰ্বাচনৰ ফলাফল: উৎফুল্লিত বিজেপি

বিহাৰ নিৰ্বাচনৰ ফলাফলক কেন্দ্ৰ কৰি উৎফুল্লিত হৈ পৰিছে ৰাজ্যৰ বিজেপি নেতা-কৰ্মীসমূহ ৷ এই ফলাফলক কেন্দ্ৰ কৰি বৰপেটাৰোডত বিজেপিৰ কৰ্মকৰ্তাসকলে ফটকা ফুটাই আনন্দোৎসৱ পালন কৰা দেখা যায় ৷

বৰপেটাৰোড,11 নৱেম্বৰ: মঙলবাৰে ঘোষণা কৰা হৈছে বিহাৰ নিৰ্বাচনৰ ফলাফল ৷ ফলাফল অনুসৰি পুনৰবাৰ বিজেপি মিত্ৰজোঁটে বিহাৰ বিধানসভা দখল কৰে ৷ বিহাৰৰ লগতে আন কেইবাখনো ৰাজ্যৰ উপ-নিৰ্বাচনত জয়ী হ’বলৈ সক্ষম হৈছে বিজেপি দলটো ৷ তাৰে পৰিপ্ৰেক্ষিতত ৰাজ্যৰ ভিন্ন প্ৰান্তত বিজেপি কৰ্মীসকলে পালন কৰে বিজয় উৎসৱ ৷ ৰাজ্যিক বিজেপিৰ সভাপতি ৰণজিৎ কুমাৰ দাসৰ গৃহ চহৰ বৰপেটাৰোডতো বিজেপি কৰ্মীসকলে সমদল উলিয়াই, ফটকা ফুটাই বিজয় উৎসৱ পালন কৰা দেখা যায় ৷ এই সমদলত অংশগ্ৰহণ কৰে প্ৰায় দুই শতাধিক বিজেপি কৰ্মী-সমৰ্থকে ৷

উৎফুল্লিত বিজেপি কৰ্মী

লগতে চাওকঃ ট্ৰেভেলাৰ-ট্ৰাকৰ মুখামুখি সংঘৰ্ষত আহত 6