বজালীক পূৰ্ণকালীন প্ৰশাসনিক জিলা ঘোষণা

বিগত বৰ্ষত ৰাজ্যিক কেবিনেটে বজালী মহকুমাক এখন পূৰ্ণকালীন জিলালৈ ৰূপান্তৰিত কৰাৰ এক প্ৰস্তাৱনা গৃহীত কৰিছিল ৷

নিউজ ডেস্ক, 13 জানুৱাৰী : নামনি অসমৰ শিক্ষানগৰী, নাট্যনগৰী, নিমনগৰী ৰূপে খ্যাত বজালীক পূৰ্ণকালীন জিলাৰূপে ঘোষণা কৰে ৰাজ্যপালে ৷ 12 জানুৱাৰীত ৰাজ্যপালে এই কথা ঘোষণা কৰি বজালী মহকুমাক এখন পূৰ্ণকালীন প্ৰশাসনিক জিলাৰূপে স্বীকৃতি প্ৰদান কৰে ৷ ৰাজ্য চৰকাৰৰ সাধাৰণ প্ৰশাসন বিভাগৰ আয়ুক্ত সচিব এম এছ মনিভান্নানে এই সন্দৰ্ভত এক অধিসূচনা জাৰি কৰিছে ৷

অধিসূচনাটো ৰাজ্যৰ সকলো প্ৰশাসনিক বিভাগ আৰু জিলাসমূহ তথা মহকুমাসমূহলৈ প্ৰেৰণ কৰা হৈছে আৰু বজালী মহকুমাৰ ভিতৰত থকা চৰকাৰী কাৰ্যালয়সমূহ আগৰ দৰেই একেদৰেই কাৰ্যক্ষম হৈ থাকিব বুলি কোৱা হৈছে ৷ চৰকাৰী বিভাগসমূহৰ ক্ষেত্ৰত কোনো সালসলনি কৰা নহয় যদিও পূৰ্বৰ বৰপেটা জিলাৰ বিপৰীতে তাৰ ঠাই ল’ব বজালী জিলাই ৷

ৰাজ্যপালৰ অধিসূচনাটো

ৰাজ্যপাল অধ্যাপক জগদীশ মুখীয়ে বিগত বৰ্ষৰ আগষ্টত কেবিনেটে গ্ৰহণ কৰা প্ৰস্তাৱনাক অনুমতি প্ৰদান কৰি চলিত বৰ্ষৰ 12 জানুৱাৰীত বজালী মহকুমাক পূৰ্ণকালীন প্ৰশাসনিক জিলাৰূপে ঘোষণা কৰে ৷ ইয়াৰ পিচতেই ৰাজ্যত জিলাৰ সংখ্যা 34 খনলৈ বৃদ্ধি পোৱাৰ লগতে বজালী হৈ পৰে ৰাজ্যৰ নবীনতম জিলা ৷ অধিসূচনাটোত বজালী মহকুমাৰ অন্তৰ্গত সকলো অঞ্চলেই বজালী জিলাৰ অধীনলৈ আহিব আৰু জিলা মুখ্যালয় হ’ব পাঠশালাৰ মদন ৰাউতা নগৰত ৷ ইতিমধ্যে জিলাখনত 10গৰাকী প্ৰশাসনিক বিষয়া নিযুক্তি দিয়াৰ লগতে 85 টা প্ৰশাসনিক পদবীৰ সৃষ্টি কৰি প্ৰশাসনিক দিশটোৰ চোৱাচিতাৰ দায়িত্ব অৰ্পণ কৰা হ’ব বুলি জানিব পৰা গৈছে ৷

বিগত বৰ্ষত কেবিনেটে গ্ৰহণ কৰা সিদ্ধান্তৰ পিচতেই বজালীবাসীয়ে ৰাজ্যপালৰ আনুষ্ঠানিক নিৰ্দেশনালৈ অপেক্ষা কৰি আছিল ৷ ভোগালী বিহুৰ পূৰ্বে ৰাজ্যপালে বজালীক আনুষ্ঠানিকভাৱে অসমৰ ৩৪ সংখ্যক জিলা হিচাপে ঘোষণা কৰাক লৈ সকলোৱে সন্তুষ্টি ব্যক্ত কৰিছে ৷

• Today is a great day for the people of Bajali subdivision as formal notification declaring it as a district has been issued.
  
  I congratulate the people on this occasion. I believe this will pave way for faster development of the educational and cultural hub of Assam.

  — Sarbananda Sonowal (@sarbanandsonwal) January 12, 2021 " class="align-text-top noRightClick twitterSection" data="

  Today is a great day for the people of Bajali subdivision as formal notification declaring it as a district has been issued.
  
  I congratulate the people on this occasion. I believe this will pave way for faster development of the educational and cultural hub of Assam.

  — Sarbananda Sonowal (@sarbanandsonwal) January 12, 2021

  ">

  Today is a great day for the people of Bajali subdivision as formal notification declaring it as a district has been issued.
  
  I congratulate the people on this occasion. I believe this will pave way for faster development of the educational and cultural hub of Assam.

  — Sarbananda Sonowal (@sarbanandsonwal) January 12, 2021

মুখ্যমন্ত্ৰী সৰ্বানন্দ সোণোৱালে বজালীক নতুন জিলা হিচাপে ঘোষণা কৰাক লৈ নিজৰ প্ৰতিক্ৰিয়া প্ৰকাশ কৰে । মুখ্যমন্ত্ৰীগৰাকীয়ে বজালীবাসীক শুভেচ্ছা জ্ঞাপন কৰাৰ লগতে বজালীক জিলা হিচাপে ঘোষণা কৰাৰ পাছত জিলাখনৰ বিকাশৰ গতি অধিক তৰান্বিত হ’ব বুলি কয় ।

লগতে পঢ়ক : নলবাৰীত 24 জানুৱাৰীত বিজেপিৰ বিজয় সংকল্প সমাৱেশ