জনীয়া, 8 এপ্ৰিল : বৃহস্পতিবাৰে কলগাছিয়া থানাৰ অন্তৰ্গত কলগাছিয়া বজাৰত সংঘটিত হয় উত্তপ্ত হয় পৰিস্থিতি ৷ জনীয়া যুৱ কংগ্ৰেছৰ সভাপতি ৰকিবুল ইছলামৰ ভাতৃ আৰু বিদ্যুৎ বিভাগৰ কৰ্মচাৰী জনাব আলীৰ মাজত বিদ্যুৎ সংযোগক কেন্দ্ৰ কৰি সৃষ্টি হয় তীব্ৰ বাক-বিতণ্ডাৰ ৷ এই বাক-বিতণ্ডাই পাচত হতাহতিৰ ৰূপ লয় ৷ অভিযোগ অনুসৰি ৰকিবুল ইছলামৰ ভাতৃ জনাব আলীক প্ৰহাৰ কৰাৰ পাচতে গুৰুতৰভাৱে আঘাত প্ৰাপ্ত হয় জনাব আলী ৷
উল্লেখ্য যে, মূৰত প্ৰচণ্ড জোৰে আঘাত পোৱা তেজেৰে লুতুৰি-পুতুৰি জনাব আলীক বৰপেটা অসামৰিক চিকিৎসালয়ত ভৰ্তি কৰোৱা হয় ৷ এই ঘটনা সমগ্ৰ অঞ্চলটোত চাঞ্চল্যৰ সৃষ্টি কৰে, যদিও যুৱ কংগ্ৰেছৰ সভাপতি গৰাকীয়ে মন্তব্য প্ৰকাশৰ পৰা বিৰত থাকে ৷ সম্প্ৰতি যুৱ কংগ্ৰেছৰ সভাপতি ৰকিবুল ইছলামৰ ভাতৃৰ এনে কাণ্ডকলৈ কলগাছিয়াত সৃষ্টি হৈছে তীব্ৰ প্ৰতিক্ৰিয়াৰ।
লগতে পঢ়ক: বিজেপিয়ে নিৰ্বাচনত চূড়ান্ত অনিয়ম কৰিছে: অসম জাতীয় পৰিষদ
