জনীয়া, 15 অক্টোবৰঃ ৰাজ্যত তীব্ৰতৰ হৈ পৰিছে উপ নিৰ্বাচনৰ প্ৰচাৰ ৷ চাৰিওটা সমষ্টিতে নিজৰ দলৰ প্ৰৰ্থীৰ বাবে প্ৰচাৰত নামিছে বহুতো ৰথী মহাৰথী ৷ সমান্তৰালকৈ আকৰ্ষণীয় হৈ পৰিছে জনীয়া সমষ্টিৰ উপ নিৰ্বাচনৰ বাকযুদ্ধৰ খেলখন৷ সাংসদ আব্দুল খালেকে ৰামনামি বস্ত্ৰ পৰিধান কৰাক লৈ এ আই ইউ ডি এফে ইছ্যু কৰাৰ লগতে একাংশ সংবাদমাধ্যমতো প্ৰকাশ হোৱা বাতৰিক লৈ প্ৰতিক্ৰিয়া প্ৰকাশ কৰিছে সাংসদ আব্দুল খালেকে৷ সাংসদ গৰাকীৰ ককাক তথা দেউতাক মছজিদৰ ইমাম আছিল৷ আব্দুল খালেকৰ পৰিয়ালত এতিয়াও বহুকেইগৰাকী সদস্যই দাঢ়ি ৰাখিছে টুপি পিন্ধে ৷ ইমাম সমাজৰ প্ৰতি আব্দুল খালেকৰ শ্ৰদ্ধা আছে বুলি কয় সাংসদ গৰাকীয়ে ৷
সাংসদগৰাকীয়ে এই অপপ্ৰচাৰৰ প্ৰতিক্ৰিয়া প্ৰকাশ কৰি কয় যে, ভাৰতবৰ্ষ ধৰ্ম নিৰপেক্ষ ৰাষ্ট্ৰ আমি ভাৰতৰ সাংস্কৃতি বিশ্বাসী। কোনো এটা অনুষ্ঠানত কোনো হিন্দু মানুহক টুপিৰে সম্বৰ্ধনা জনোৱাটো তেনেই সাধাৰণ কথা৷ এ আই ইউ ডি সাম্প্ৰদায়িক দল কাৰণে এইবোৰ ইছ্যু কৰাটো দূৰ্ভাগ্যজনক৷ কিন্তু এইবোৰ কথাত গুৰুত্ব আৰোপ নকৰে বলিও মন্তব্য কৰে সাংসদগৰাকীয়ে৷ লগতে ৰাঙাপাৰা সমষ্টিত নিৰ্বাচনী প্ৰচাৰ সভাত ড৹ হিমন্ত বিশ্ব শৰ্মাই আব্দুল খালেকক চালানি বুলি কোৱাৰ ওপৰতো প্ৰতিক্ৰিয়া প্ৰকাশ কৰে সাংসদ গৰাকীয়ে৷
লগতে পঢ়ক চাপৰত বৃহৎ পৰিমাণৰ নিচাযুক্ত দ্ৰব্য সহ আটক তিনি যুৱক
