পাঠশালা, 25 নৱেম্বৰ: পাঠশালাত আছুৱে জব্দ কৰিলে চোৰাং গৰুসহ গৰু সৰহবৰাহ কৰা এখন ট্ৰাক ৷ মঙলবাৰে নিশা আছুৱে পাঠশালাৰ 31নং ৰাষ্ট্ৰীয় ঘাইপথত চোৰাং গৰু সহ ট্ৰাকখন জব্দ কৰে ৷ ইউপি 78 চি এন-2725 নম্বৰৰ ট্ৰাকখনৰ পৰা আছুৰ কৰ্মীবৃন্দই 10 টাকৈ চোৰাং গৰু জব্দ কৰে ৷
31 নং ৰাষ্ট্ৰীয় ঘাইপথৰ পৰা আছু কৰ্মীয়ে উদ্ধাৰ কৰে ট্ৰাক খন
ৰাষ্ট্ৰীয় ঘাইপথটোৰে এনেদৰে গৰুৰ চোৰাং বেহা চলি থকা কাৰ্যক গৰিহণা দিয়াৰ লগতে আছু কৰ্মী সকলে ৰাষ্ট্ৰীয় ঘাইপথটোৰে এনেদৰে গৰুৰ চোৰাং বেহা চলি থকাৰ অভিযোগ উত্থাপন কৰে ৷ ঘটনাস্থলীত বজালী মহকুমা আৰক্ষী বিষয়াৰ লগতে পাঠশালা আৰক্ষী আহি উপস্থিত হয় ৷
ঘটনা সন্দৰ্ভত আৰক্ষীয়ে ইতিমধ্যে এক গোচৰ ৰুজু কৰিছে বুলি জানিব পৰা গৈছে ৷ জানিব পৰা মতে 31নং ৰাষ্ট্ৰীয় ঘাইপথটোৰে পশ্চিম দিশৰ পৰা চোৰাং গৰুসহ ট্ৰাকখন আহি আছিল ৷
লগতে পঢ়ক:তৰুণ গগৈক শ্ৰদ্ধাঞ্জলী জনাবলৈ গুৱাহাটীত উপস্থিত ৰাহুল গান্ধী
