বৰপেটাত মাছুৱৈৰ জালত পৰিল 36,500 টকীয়া এটা বৃহৎ মাছ

6.3 ফুট দৈৰ্ঘৰ, 73 কেজি ওজনৰ মাছটো দাঙিলে 15 জন ব্যক্তিয়ে

বৰপেটা, 25 মাৰ্চঃ কিমান হ'ব পাৰে এটা মাছৰ মূল্য ? আপুনি হয়টো শুনিলে আচৰিত হ'ব! এটা মাছৰ মূল্য হৈছেগৈ 36,500 টকা ৷ মাছটোৰ ওজন প্ৰায় 73 কেজি ৷ 6.3 ফুট দৈৰ্ঘৰ এই মাছটো ডাঙিবলগীয়া হৈছে 15 জনকৈ লোকে ৷

এই বৃহৎ আকাৰৰ মাছটো উদ্ধাৰ কৰা হৈছে বৰপেটাত ৷ দেওবাৰে জিলাখনৰ চেনিমাৰীৰ ৰিজাৰ্ভত ব্ৰহ্মপুত্ৰৰ যুৱলীত এগৰাকী মহিলাই প্ৰত্যক্ষ কৰে প্ৰকাণ্ড মাছটো। তাৰ পিছতে 73 কিলোগ্ৰামৰ এইগৌড়া মাছটো আজগৰ আলীৰ নেতৃত্বত মাছমৰীয়াৰ দল এটাই ধৰি প্ৰতি কেজিত 500 টকা দৰত বিক্ৰী কৰি মুঠ 36,500 টকা উপাৰ্জন কৰে ৷ প্ৰকাণ্ড ওজনৰ এই মাছটো চাবলৈ ভিৰ কৰে উৎসুক জনতাই ৷