জনীয়া,6 এপ্ৰিল: সুদীৰ্ঘ ২৮ বছৰ পাচত গণতান্ত্ৰিক অধিকাৰ সাব্যস্ত কৰে আচমা খাতুন নামৰ এগৰাকী মহিলাই । জনীয়া বিধানসভা সমষ্টিৰ অন্তৰ্গত সালেকুৰা এল পি স্কুলৰ ভোটগ্ৰহণ কেন্দ্ৰত ভোটাধিকাৰ সাব্যস্ত কৰে আচমা খাতুনে ।
জানিব পৰা মতে, সালেকুৰা গাঁৱৰ মাজম খানৰ পত্নী আচমা খাতুনৰ ভোটাৰ তালিকাত নাম সন্নিৱিষ্ট হোৱাৰ পাচতে ডি ভোটাৰ হৈ পৰে । ফলত ২৮ টা বছৰেই ভোটদানৰ পৰা বঞ্চিত হয় মহিলা গৰাকী ।
২৮ বছৰ পাচত ডি'ভোটাৰে সাব্যস্ত কৰিলে ভোটাধিকাৰ
বিগত বছৰ কেইটাত আইনী যুঁজ যুঁজি যুঁজি অৱশেষত ভাৰতীয় নাগৰিক হিচাপে প্ৰমাণিত হয় মহিলাগৰাকী । সেই হিচাপে আচমাই প্ৰথমবাৰৰ বাবে মঙলবাৰে নিজৰ ভোটাধিকাৰ সাব্যস্ত কৰি আনন্দিত হৈ পৰে ।
লগতে পঢ়ক: কোন দলে সংখ্যা গৰিষ্ঠতা লাভ কৰিব এই নিৰ্বাচনত ? এক বিশ্লেষণ...
