বৰপেটাত ১৪০০ জনলৈ ক'ভিড আক্ৰান্তৰ সংখ্যা

বৰপেটাত মঙলবাৰৰ দিনটোতে কৰ'ণাত আক্ৰান্ত হয় ১৩৩ গৰাকী লোক ৷ ইতিমধ্যে জিলাখনত ১৪০০ জনলৈ বৃদ্ধি পাইছে ক'ভিড আক্ৰান্ত ৰোগীৰ সংখ্যা ৷

বৰপেটা, 5 মে': সমগ্ৰ দেশৰ লগতে ৰাজ্যতো ভয়াৱহ হৈ পৰিছে কৰ'ণা পৰিস্থিতি ৷ কৰ’ণা ভাইৰাছত আক্ৰান্ত হৈ প্ৰতিদিনে হাজাৰ হাজাৰ লোকৰ মৃত্যুমুখত পৰিছে ৷ সমান্তৰালকৈ বৰপেটা জিলাতো জটিল হৈ পৰিছে কৰ'ণা পৰিস্থিতি ৷

মঙলবাৰৰ দিনটোতে বৰপেটা জিলাত পুনৰ ১৩৩ গৰাকী লোক কৰ'ণাত আক্ৰান্ত হোৱাৰ খবৰ পোহৰলৈ আহিছে ৷ ইতিমধ্যে জিলাখনত কৰ'ণাত আক্ৰান্ত হোৱা লোকৰ সংখ্যা মুঠ ১৪০০ জনলৈ বৃদ্ধি পালে ৷

আনহাতে, মঙলবাৰৰ দিনটোত জিলাখনৰ ৭৪ গৰাকী কৰ’ণাত আক্ৰান্ত ৰোগীয়ে আৰোগ্য লাভ কৰিছে বুলি স্বাস্থ্য বিভাগৰ তৰফৰ পৰা জানিব পৰা গৈছে ৷

লগতে পঢ়ক-অধিক ভয়াৱহ হ’ব দেশৰ ক’ভিড পৰিস্থিতি