তামুলপুৰ,29অক্টোবৰঃ বাক্মাৰ ভাৰত-ভূটান সীমান্তত বনৰীয়া হাতীৰ উপদ্ৰৱ। খাদ্যৰ সন্ধানত বনাঞ্চলৰ পৰা জনাঞ্চললৈ নামি আহে বৃহৎ হাতীৰ এটা জাক । সোমবাৰে নিশা গোৰেশ্বৰ ৰাজহ চক্ৰৰ অন্তৰ্গত কেবাখনো গাঁৱত বনৰীয়া হাতীৰ জাকটোৱে চলালে সন্ত্ৰাস । নিশা ফটকা, জুইৰে হাতী খেদাৰ চেষ্টা কৰে স্থানীয় ৰাইজে । ইপিনে ৰাইজৰ লগত হাতী খেদিবলৈ ওলাই আহিল শুৱাগপুৰ আৰক্ষীৰ লগতে গোৰেশ্বৰস্থিত বন বিভাগৰ লোক। উল্লেখ্য যে,ৰাজ্য়ত ক্ৰমাগতভাৱে বৃদ্ধি পাইছে বন্যহস্তীৰ উপদ্ৰৱ ৷ ভাৰত ভূটান সীমান্তত সঘনাই সংঘটিত হৈ আহিছে হাতী মানুহৰ সংঘাত ৷ এই পৰ্যন্ত হাতী মানুহৰ সংঘাতত মৃত্যু হৈছে কেবাজনো লোকৰ ৷ একদৰে উজনি অসমতো অব্যাহত আছে বন্যহস্তীৰ সন্ত্ৰাস ৷ গোলাঘাটতো বন্যহস্তীৰ সন্ত্ৰাসত ভীতিগ্ৰস্ত ৰাইজ ৷
গোৰেশ্বৰত হাতীৰ সন্ত্ৰাস
