বাক্সা, 12 জুন: বাক্সাৰ ২২ নং ককলাবাৰী পৰিষদীয় সমষ্টিত ইউপিপিএল দলৰ প্ৰাৰ্থীৰ বিজয় (UPPL won in Koklabari by election)৷ বাক্সাৰ ১২ জুনবাক্সাৰ ২২ নং ককলাবাৰী পৰিষদীয় সমষ্টিৰ উপ-নিৰ্বাচনৰ ভোট গণনাৰ অন্তত মন্টু বড়োৱে বিজয়ৰ হাঁহি মাৰিবলৈ সক্ষম হয় (BTR byelection 2022 result)৷
ইউপিপিএল, বিজেপি, জিএছপি মিত্ৰজোঁটৰ মন্টু বড়োৱে ৩২৫৭১ টা ভোট লাভ কৰিবলৈ সক্ষম হয় ৷ ইয়াৰ বিপৰীতে বিপিএফৰ শংকৰ বসুমতাৰীয়ে ১৬২২৫ টা, ভিপিআইৰ লৱ কুমাৰ বসুমতাৰীয়ে ৭৩৬টা, নিৰ্দলীয় প্ৰাৰ্থী হীৰেন শৰণীয়াই ১২২৬ টা ভোট লাভ কৰি কৰিবলৈ সক্ষম হয় ৷
ইউপিপিএল দলৰ প্ৰাৰ্থী মন্টু বড়োৱে ১৬৩৪৬ ভোটৰ ব্যৱধানত বিজয় সাব্যস্ত কৰে ৷
উল্লেখযোগ্য যে, ২২ নং ককলাবাৰী পৰিষদীয় সমষ্টিত মুঠ ভোটাৰ আছে ৭২,৪১৬ গৰাকী । ইয়াৰে ৩৫,৭৫৬ গৰাকী পুৰুষ আৰু ৩৬,৬৬০ গৰাকী মহিলা ভোটাৰ । ককলাবাৰী পৰিষদীয় সমষ্টিৰ উপ-নিৰ্বাচনত প্ৰশাসনে ৯৭ টা ভোট কেন্দ্ৰক ৫ টা জ'ন আৰু ১০ টা চেক্ট'ৰত বিভক্ত কৰিছিল ৷ পূৰ্বতে প্ৰমোদ বড়ো ইয়াৰ পৰা জয়ী হৈছিল যদিও বিটিচি প্ৰধান হোৱাৰ পাচতে তেওঁ এটা সমষ্টি এৰি দিব লগীয়া হয় ৷
লগতে পঢ়ক: KAAC Election 2022 Result: কোনে মাৰিব শেষ হাঁহি ?
