বাক্সাৰ বৰমা সমষ্টিত দুখনকৈ আদৰ্শ গাওঁ স্থাপন

বাক্সা জিলাত দুখনকৈ আদৰ্শ গাঁও স্থাপন কৰিলে উপায়ুক্ত ৰঞ্জন শৰ্মাই ৷

বাক্সা, 3 ফেব্ৰুৱাৰী : আদৰ্শ গ্ৰাম যোজনা আঁচনিৰ অধীনত 62 নং বৰমা সমষ্টিৰ অন্তৰ্গত বাগানপাৰা আৰু সুৱনখাটা গাৱঁক আদৰ্শ গাওঁ হিচাপে আজি বৰমা সমষ্টিৰ বিধায়ক মনেশ্বৰ ব্ৰহ্মই শুভ উন্মোচন কৰে ৷ আদৰ্শ গাঁৱৰ লগত সংগতি ৰাখি সৌৰ শক্তিসম্পন্ন ষ্ট্ৰীট লাইটৰো আধাৰশিলা স্থাপন কৰে ৷

তাৰোপৰি সুৱনখাটা হাইস্কুলত ডিজিটেল ক্লাচ ৰুম, সুৱনখাটাত কমিউনিটি হ’ল আৰু সুৱনখাটাস্থিত ইণ্ডো ভূটান ফ্ৰেণ্ডশ্বীপ মেলাৰ পথাৰৰ গেট আৰু বাউণ্ডেৰী বেৰ দিয়াৰ বাবেও আধাৰশিলা স্থাপন কৰে বাক্সা জিলা উপায়ুক্ত ৰঞ্জন শৰ্মাই ৷

পৰৱৰ্তী পৰ্য্যায়ত সমষ্টিটোত উন্নয়নৰ কাৰণে অধিক পূঁজি আৱন্টন দিয়া হ’ব বুলিও কয় উপায়ুক্তগৰাকীয়ে ৷

লগতে পঢ়ক : প্ৰমোদ বড়োৰ বিটিচিত উদ্ধাৰ অবৈধ অস্ত্ৰৰ বৃহৎ ভাণ্ডাৰ