বাক্সা,23এপ্ৰিল: বাক্সাৰ তামুলপুৰ ১১৯ নম্বৰ ঝাৰগাঁও প্ৰাথমিক বিদ্যালয় ভোটগ্ৰহণ কেন্দ্ৰৰ প্ৰিজাইডিং বিষয়া নোমল লাহৰীৰ সোমবাৰে নিশা হৃদৰোগত আক্ৰান্ত হৈ গুৰুতৰ ভাবে অসুস্থ হয় । নিশা সহযোগী পলিং বিষয়া আৰু ৰাইজে তামুলপুৰ প্ৰাথমিক চিকিৎসালয়লৈ আনে যদিও চিকিৎসক ডাঃ হাৰিমোহন কলিতাই দুৱাৰ খুলি নিদিয়াৰ অভিযোগ উঠিছে ।
পাচত অন্য এজন চিকিৎসকে আহি তৎপৰতাৰে চিকিৎসা প্ৰদান কৰাৰ পাচত উন্নত চিকিৎসাৰ বাবে গুৱাহাটীলৈ নিয়াৰ পৰামৰ্শ দিয়ে । নিশাই তামুলপুৰৰ মহকুমাধিপতি, মহকুমা আৰক্ষী বিষয়া, তামুলপুৰ থানাৰ ভাৰপ্ৰাপ্ত বিষয়া আহি চিকিৎসালয়ত উপস্থিত হয় আৰু লোকজনক গুৱাহাটীলৈ প্ৰেৰণ কৰে । ইপিনে উন্নত চিকিৎসাৰ বাবে গুৱাহাটীলৈ অনা হয় ৷ আনহাতে প্ৰাথমিক চিকিৎসা কেন্দ্ৰটোৰ চিকিৎসকৰ গাফিলতিৰ বাবে তীব্ৰ ক্ষোভ প্ৰকাশ কৰিছে স্থানীয় একাংশ সচেতন লোকে ৷
বাক্সাৰ তামুলপুৰত প্ৰিজাইডিং বিষয়া অসুস্থ
