বাক্সা, 25 জুলাইঃ বিগত বৰ্ষসমূহৰ সমান্তৰালকৈ এইবেলিও পৰিৱেশ প্ৰদূষণ ৰোধৰ বাবে 25 জুলাইত গছপুলি ৰোপন কাৰ্যসূচী ৰূপায়ণ কৰে 24 নং SSB বাহিনীয়ে ৷ বাক্সা জিলাৰ তামুলপুৰ মহকুমাৰ অন্তৰ্গত ভাৰত-ভূটান সীমান্তৰ নাগাপুৰত গছপুলি ৰোপন কৰে 24 নং SSB বাহিনীয়ে ৷ ৰঙিয়াস্থিত বিহঙ্গপুৰ কেম্পৰ 24 নং SSB ৰ উদ্যোগত শনিবাৰে এই কাৰ্যসূচী ৰূপায়ণ কৰা হয় ।
লগতে পঢ়কঃ ড্ৰ'ন ব্যৱহাৰৰ জৰিয়তে অধিক শক্তিশালী হ'ব বন্যপ্ৰাণীৰ সুৰক্ষা ব্যৱস্থা
ইয়াৰোপৰি, নাগাপুৰ প্ৰাথমিক বিদ্যালয়ৰ প্ৰাংগনত পুৱাৰ পৰাই 24 নং SSB বাহিনীয়ে গছপুলি ৰোপণ কাৰ্যসূচী শুভাৰম্ভ কৰে । 24 নং SSB বাহিনীৰ কামাণ্ডেত হৃষিকেশ শৰ্মাৰ নিৰ্দেশ মৰ্মে ভাৰপ্রাপ্ত বিষয়া মনিদেৱা আৰু সহকাৰী উপ আৰক্ষী বিষয়া কেশৱ হাজৰিকাই যুতীয়াভাৱে এই কাৰ্যসূচীৰ শুভাৰম্ভ কৰে ।
উল্লেখ্য যে, বাহিনীটোৱে শনিবাৰৰ পৰা বগাজুলী-নাগাপুৰ আদি অঞ্চলৰ বন ভূমিত প্ৰায় 1500 গছ পুলি ৰোপণ কৰিব বুলি জানিবলৈ দিয়ে ।
