বৰমা, 28 মাৰ্চঃ বৰমাৰ নিকটৱৰ্তী বৰজাৰত মৃত্যু এটি কণমানি শিশুৰ ৷ কৰ্মসুত্ৰে বৰমাত ভাড়া থকা টংলাৰ ধ্ৰুৱ বৰ্মনৰ একমাত্ৰ সন্তান ৰিহান বৰ্মন নামৰ শিশুটি কেইবাদিনো ধৰি আক্ৰান্ত হৈ আছিল জ্বৰত ৷ অভিযোগ অনুসৰি কালি বৰমা প্ৰাথমিক স্বাস্থ্য কেন্দ্ৰলৈ লৈ যোৱা হৈছিল শিশুটিক ৷ কিন্তু অভিযোগ অনুসৰি স্বাস্থ্য কেন্দ্ৰটোৰ আয়ুৰ্বেদিক চিকিৎসক প্ৰণৱ শৰ্মাই বিশেষ গুৰুত্ব নিদিয়ে শিশুটিৰ চিকিৎসাৰ ক্ষেত্ৰত ৷ আজি পুনৰ শিশুটিৰ জ্বৰ বেছি হোৱাত চিকিৎসালয়লৈ নিয়াৰ বাবে জৰুৰীকালীন মৃত্যুঞ্জয় সেৱাত ফোন কৰিলে যদিও,যোগাযোগ কৰিম বুলি কোনো খবৰ নিদিলে তেওঁলোকক ৷ অৱশেষত পৰিয়ালৰ লোক দৌৰি দৌৰি চিকিৎসালয় পায় যদিও, চিকিৎসালয়ত শিশুটিক মৃত বুলি ঘোষণা কৰে চিকিৎসকে ৷
মৃত শিশুক বোকোচাত লৈ ৰাজপথত কান্দোনত ভাগি পৰা এগৰাকী মাতৃ
লগতে পঢ়কঃ ৰাজ্যত লক ডাউনৰ চতুৰ্থ দিনত ক’ত কি ঘটিল !
