ৰাজ্যজুৰি ট্ৰেড ইউনিয়নৰ প্ৰতিবাদ

তামুলপুৰ, 8জানুৱাৰীঃ বাক্সাত তামুলপুৰ আঞ্চলিক অংগনবাড়ী কৰ্মী আৰু সহায়িকা সন্থাই চিটুৰ আহ্বানত বুধবাৰে ধৰ্মঘটৰ কাৰ্যসূচী ৰূপায়ণ কৰে ৷ অংগনবাড়ী কৰ্মী-সহায়িকাক নিয়মীয়া কৰ্মচাৰীৰ স্বীকৃতি দি মাহিলি মজুৰি 18 হাজাৰ টকা ধাৰ্য্য কৰা আৰু 13 দফীয়া দাবীত ধৰ্মঘট কৰে ৷ বহু কেইটা দাবী উত্থাপন কৰি উত্তাল কৰি তোলে পৰিৱেশ ৷ চিটুৰ আহ্বানত সন্থাৰ 13 দফীয়া দাবীৰ ভিত্তিত দুই ঘণ্টীয়া অৱস্থান ধৰ্মঘট পালন কৰি তামুলপুৰ আঞ্চলিক অংগনৱাড়ী কৰ্মী আৰু সহায়িকা সন্থাৰ সভানেত্ৰী মেৰী বসুমতাৰী আৰু সম্পাদিকা নিলীমা ডেকাই অতিশীঘ্ৰে তেওঁলোকৰ এই দাবী সমূহ কাৰ্যকৰী কৰিবলৈ চৰকাৰক সকীয়াই দিয়ে ৷ অন্যথা ইয়াতকৈ অধিক জোৰদাৰ আন্দোলন গঢ়ি তুলিব বুলিও হুংকাৰ দিয়ে ৷