তামুলপুৰ, 25 জুনঃ তামুলপুৰ মহকুমাৰ অন্তৰ্গত গোৰেশ্বৰ অঞ্চলত অৱ্যাহত আছে বন বিভাগৰ অভিযান । তামুলপুৰ মহকুমাৰ অন্তৰ্গত নাওকটাত বন বিভাগে অভিযান চলাই জব্দ কৰে অবৈধ কাঠ ফলা মিল ।
বুধাবাৰে চলোৱা অভিযানত বন বিভাগে বৃহত পৰিমাণৰ মূল্যবান কাঠ সহ এটা অনুজ্ঞাপত্ৰ নথকা কাঠ ফলা মিল জব্দ কৰে ৷ এই অভিযানত তামুলপুৰ আৰু কুমাৰীকটা বন বিষয়াক সহযোগ কৰে এছ এছ বিৰ দলে ৷
উল্লেখ্য যে, তামুলপুৰ বনাঞ্চলিক বিষয়া প্ৰণৱ কুমাৰ দাসে বিগত কেবাদিনত তামুলপুৰ, গোৰেশ্বৰ, কুমাৰীকটা, কাউৰবাহা অঞ্চলত অভিযান চলাই বহু কেইটা অবৈধ কাঠৰ মিল জব্দ কৰিছে ৷
লগতে পঢ়কঃ 24 জুন : নগাঁৱৰ বাবে ক'লা ইতিহাস !
বন বিভাগৰ এই পদক্ষেপক সাধাৰণ ৰাইজে আদৰণি জনাইছে ৷ কিন্তু, শিল বালি কঢ়িওৱা ডাম্পাৰ সমুহে অভাৰ লোড কৰি বন বিভাগৰ সমুখেৰে শিল বালি কঢ়িওৱা কাৰ্য্যক সহজ ভাবে লব পৰা নাই সাধাৰণ লোকে ৷ কাৰ আশীৰ্বাদ ডাম্পাৰ সমুহে এনেদৰে অত্যাধিক ওজন কঢ়িয়াই শিলবালি কঢ়িয়াই আছে ই এক নুবুজা সাঁথৰ ৰাইজৰ বাবে ৷
লগতে পঢ়কঃ আৰক্ষীৰ অভিযানত পিষ্টল সহ গ্ৰেপ্তাৰ দুজন
