বাক্সা, 12 মে': বাক্সাৰ গোৰেশ্বৰৰ বেটাগাঁৱৰ পুঠিমাৰী নৈৰ মথাউৰি নিৰ্মাণত অৱহেলাৰ অভিযোগ নৈপৰীয়া ৰাইজৰ । জলসম্পদ বিভাগৰ চৰম অৱহেলাৰ বাবে দুৰ্ভোগ ভোগাৰ আশংকাত নৈপৰীয়া ৰাইজ । বিগত বানত বহু লোকে নিজৰ ঘৰৰ ভেটি মাটি হেৰুৱালে যদিও, চৰকাৰে কোনো গুৰুত্ব নিদিয়াৰ অভিযোগ ক্ষতিগ্ৰস্ত লোকসকলৰ । সম্প্ৰতি সমাগত বাৰিষাৰ বানক লৈ চিন্তিত হৈ পৰিছে স্থানীয় ৰাইজ ।
ৰাজ্য চৰকাৰে মথাউৰি নিৰ্মাণৰ বিষয়ে ঘোষণা কৰিছিল যদিও, এতিয়াও মথাউৰি নিৰ্মাণৰ কাম সম্পূৰ্ণ হৈ নুঠিল গাঁওখনত । গাঁওখনৰ একমাত্ৰ সংযোগী পথটোও বানে সংযোগ বিচ্ছিন্ন কৰি দিয়াৰ লগতে, কেইবাটাও পৰিয়ালে হেৰুৱাইছে ঘৰৰ ভেটি । স্থানীয় ৰাইজে উল্লেখ কৰা অনুসৰি, বিভাগীয় কৰ্তৃপক্ষই আহি মথাউৰি নিৰ্মাণৰ আশ্বাস দিয়ে যদিও, আজিলৈ অঞ্চলটোত মথাউৰি নিৰ্মাণৰ কোনো কাম দেখা নাই নৈপৰীয়া লোকসকলে ।
লগতে পঢ়কঃ প্ৰধানমন্ত্ৰীৰ কৃষক সন্মান নিধিত দুৰ্নীতিঃ কংগ্ৰেছৰ এজাহাৰ দাখিল
