বাক্সা,৫ মে': বাক্সা জিলাৰ শিমলা আৰক্ষী থানাৰ অন্তৰ্গত টুকুৰাকুছিত মঙলবাৰে নিশা এক উত্তেজনাপূৰ্ণ ঘটনা সংঘটিত হয় । টুকুৰাকুছিত ড্ৰাগছ আসক্ত চাৰি যুৱকক ৰাইজে উত্তম-মধ্যম দি পিছত শিমলা আৰক্ষীক গতাই দিয়ে ।
ধৃত যুৱক চাৰিজন ক্ৰমে আঙুলীয়াৰ মৃদুল বড়ো, শিলবাৰীৰ উত্তৰণ জহলাও, বাক্সাৰ ফুলগুৰিৰ অনুপ দাস আৰু নয়ন দাস ৷ ৰাইজ আৰু আৰক্ষীয়ে যুৱক কেইজনৰ পৰা বৃহৎ পৰিমাণৰ ড্ৰাগছ আৰু চিৰিঞ্জ উদ্ধাৰ কৰিবলৈ সক্ষম হয় । আনহাতে আৰক্ষীয়ে যুৱক কেইজনে ব্যৱহাৰ কৰা AS 01 DT 2849 নম্বৰৰ এখন বিলাসী বাহন জব্দ কৰে ।
সম্প্ৰতি শিমলা আৰক্ষীয়ে যুৱক চাৰিজনক জিম্মাত ৰাখি জেৰা অব্যাহত ৰাখিছে ৷
লগতে পঢ়ক: আদিপুৰুষৰ তাৰকাৰ তালিকাত কিচ্চা সুদীপৰ নাম অন্তৰ্ভূক্ত
