বাক্সা, ২৮ জুন : স্ব-ভূমিত উপস্থিত হ’ল DID Little Master নৱজিৎ নাৰ্জাৰী ৷ মায়ানগৰী মুম্বাইৰ পৰা মঙলবাৰে বাক্সা জিলাৰ বৰমাত উপস্থিত হয় DID Little Master চেম্পিয়ন নৱজিৎ নাৰ্জাৰী । যাৰ বাবে বৰমাত বাক্সা জিলা এবছু, ইউপিপিএল দলৰ লগতে বৰমাৰ বিভিন্ন দল-সংগঠনে বিপুল আদৰণি জনাই ডান্সৰ চেম্পিয়ন ন বছৰীয়া নৱজিৎ নাৰ্জাৰীক ৷
ইফালে সংবাদ মাধ্যমৰ সৈতে হোৱা এক সাক্ষাৎকাৰত এনেধৰণৰ প্ৰতিযোগিতাত অংশগ্ৰহণ কৰিবলৈ পাই খুবেই সুখী অনুভৱ কৰিছে বুলি মন্তব্য কৰে নৱজিৎ নাৰ্জাৰীয়ে ৷ লগতে অসমবাসীকো ধন্যবাদ দিয়ে লিটিল মাষ্টাৰগৰাকীয়ে ৷ আনকি ভৱিষ্যতে এগৰাকী সুদক্ষ নৃত্য নিৰ্দেশক হোৱাৰ সপোন পুহি ৰাখিছে লিটিল মাষ্টাৰ নৱজিৎ নাৰ্জাৰীয়ে ৷
আনহাতে, উক্ত অনুষ্ঠানত 22 নং কোকলাবাৰী পৰিষদীয় সমষ্টি পাৰিষদ মন্টু বড়োৱে উপস্থিত থাকি লিটিল মাষ্টাৰ নৱজিৎ নাৰ্জাৰীক শুভেচ্ছা জনোৱাৰ লগতে এনে ধৰণৰ প্ৰতিযোগিতাত অংশ গ্ৰহণ কৰিবলৈ সকলোকে আহ্বান জনায় ৷ DID Little Master চেম্পিয়নত (2022) নৱজিৎ নাৰ্জাৰীয়ে প্ৰথম স্থান আধিকাৰ কৰি সমগ্ৰ অসমৰ বাবে সুনাম কঢ়িয়াই আনিছে বুলি মন্তব্য কৰে মন্টু বড়োৱে ৷
লগতে পঢ়ক : ভোজপুৰী ছবিজগতত খলকনি লগোৱা চুবুৰীয়া দেশৰ এগৰাকী অভিনেত্ৰী
