প্ৰমোদ বড়ো মোৰ বাবে কোনো ধৰণৰ প্ৰত্যাহ্বান নহয়ঃ ধীৰেন বড়ো

খোখলাবাৰী পৰিষদীয় সমষ্টিত দুইজনকৈ বিটিআৰ চুক্তি স্বাক্ষৰকাৰী নিৰ্বাচনত অৱতীৰ্ণ হৈছে ৷ এজন চুক্তি স্বাক্ষৰকাৰীয়ে আনজনক সন্মান কৰিব জনাব লাগিছিল । প্ৰমোদ বড়োৱে খোখলাবাৰী পৰিসদীয় সমষ্টিত নিজে জয়ী হোৱাৰ উদ্দেশ্যত নহয় কেৱল মোক হৰুৱাবলৈ আহিছে বুলিও মন্তব্য কৰে ধীৰেন বড়োই ।

বাক্সা, 7 জুন : বিটিআৰ চুক্তিৰ অন্যতম এগৰাকী স্বাক্ষৰকাৰী ধীৰেন বড়োৰ ইটিভি ভাৰতৰ সৈতে হোৱা এক আছুতীয়া সাক্ষাৎকাৰত কেইবাটাও বিস্ফোৰক মন্তব্য কৰে ধীৰেন বড়োই । ২০ জানুৱাৰীত বড়োসকলৰ বহু ঐতিহাসিক বিটিআৰ চুক্তি স্বাক্ষৰ হৈছিল । কিন্তু সমগ্ৰ পৃথিৱীত কৰ'ণা মহামাৰীৰ সন্ত্ৰাসৰ বাবে বিটিচিৰ নিৰ্বাচন স্থগিত ৰাখিবলগীয়া হয় । জনগণে গণতান্ত্ৰিক ভাবে বিচাৰিছিল যদিও দুৰ্ভাগ্যবশত বৰ্তমান বিটিএডি ৰাজ্যপালৰ শাসনত । যদি জনসাধাৰণে বিচৰা ধৰণে গণতান্ত্ৰিকভাৱে চৰকাৰৰ মনোযোগ লাভ কৰিলে হয় তেন্তে আজি বিটিচিত কোনো ধৰণৰ অসুবিধা সৃষ্টি নহ'লহেতেন বুলি মন্তব্য কৰে ধীৰেন বড়োৱে।

লগতে তেওঁ কয় যে, খোখলাবাৰী পৰিষদীয় সমষ্টিত দুইজনকৈ বিটিআৰ চুক্তি স্বাক্ষৰকাৰী নিৰ্বাচনত অৱতীৰ্ণ হৈছে ৷ এজন চুক্তি স্বাক্ষৰকাৰীয়ে আনজনক সন্মান কৰিব জানিব লাগিছিল । প্ৰমোদ বড়োৱে খোখলাবাৰী পৰিষদীয় সমষ্টিত নিজে জয়ী হোৱাৰ উদ্দেশ্যত নহয় কেৱল মোক হৰুৱাবলৈ আহিছে বুলিও মন্তব্য কৰে ধীৰেন বড়োই । মোৰ সহস্ত্ৰ সংগ্ৰামৰ দিনৰে পৰা খোখলাবাৰী পৰিষদীয় সমষ্টিত জনসাধাৰণৰ আৰু ইয়াৰ বাতাবৰণ মাজত একাত্মীয়তা আছে । এই সমষ্টিত মই বিপুল ভোটত জয়ী হম বুলি উল্লেখ কৰাৰ লগতে এই সমষ্টিটোত মোৰ বাবে প্ৰমোদ বড়ো কোনো ধৰণৰ প্ৰত্যাহ্বান নহয় বুলিও মন্তব্য কৰে ধীৰেন বড়োৱে ৷