চিৰাং, 21 এপ্ৰিল : অন্ত পৰিল তৃতীয় পৰ্যায়ৰ নিৰ্বাচনৰ প্ৰচাৰ অভিযান ৷ নিৰ্বাচনৰ প্ৰচাৰৰ অন্তিমটো দিনত চিৰাঙত মিত্ৰজোঁটৰ প্ৰাৰ্থী প্ৰমিলাৰাণী ব্ৰহ্মৰ হৈ নিৰ্বাচনী প্ৰচাৰ চলালে বিজেপিৰ ৰাজ্যিক সভাপতি ৰঞ্জিত দাসে ৷ বিজনী সমষ্টিৰ বিধায়ক কমল সিং নাৰ্জাৰীৰ লগতে,বিজেপিৰ ৰাজ্যিক সম্পাদক পুলক গোহাঁই,বিজেপিৰ ৰাজ্যিক সাংগঠনিক সম্পাদক ফণী শৰ্মাকে ধৰি বিপিএফৰ দলীয় কৰ্মী বৃন্দ আৰু বিপিএফৰ সমৰ্থকসকলক লগত লৈ নিৰ্বাচনী প্ৰচাৰ চলালে ৰঞ্জিত দাসে ।
ৰঞ্জিত দাসৰ নিৰ্বাচনী প্ৰচাৰ
প্ৰচাৰ চলাই কোকৰাঝাৰত মিত্ৰজোঁটৰ প্ৰাৰ্থী প্ৰমিলা ৰাণী ব্ৰহ্ম জয়ী হোৱাটো নিশ্চিত বুলি মন্তব্য কৰে সভাপতিগৰাকীয়ে ৷ 11 টা সমষ্টিত ৰাহুল গান্ধীৰ বংশধৰ উঠি আহিলেও বিজেপিৰ বিজয় ৰখাব নোৱাৰে বুলি উল্লেখ কৰি অসমৰ 14 খন আসনৰ 13খনতেই বিজেপি জয়ী হোৱাটো নিশ্চিত বুলিও মন্তব্য কৰে ৰঞ্জিত দাসে ৷
