বাক্সা, ৯ ডিচেম্বৰ : মঙলবাৰে নিশা কোকৰাঝাৰত সাংসদ নৱ কুমাৰ শৰণীয়াক দুৰ্বৃত্তই আক্ৰমণ কৰা আৰু আৰক্ষীয়ে ওৰেনিশা থানাৰ ভিতৰত আটক কৰি ৰাখি চৰম অপমান কৰাক কেন্দ্ৰ কৰি ক্ষোভ উজাৰিছে দলীয় কৰ্মীয়ে ৷ উক্ত ঘটনাৰ প্ৰতিবাদত শালবাৰীৰ ছাপাগুৰি জিলা গণ সুৰক্ষা পাৰ্টীৰ উদ্যোগত বহু সমৰ্থকে বুধবাৰে প্ৰতিবাদী কাৰ্যসূচী ৰূপায়ন কৰে ৷ গণ সুৰক্ষা পাৰ্টীৰ পাঁচজনকৈ নেতাই মুণ্ডন কৰি অভিনৱ পদ্ধতিৰে এই ঘটনাৰ বিৰুদ্ধে প্ৰতিবাদ সাব্যস্ত কৰে ৷
বাক্সাৰ ভুতেপোৱাবড়ীত গণ সুৰক্ষা পাৰ্টিৰ উত্তাল প্ৰতিবাদ
প্ৰতিবাদকাৰী সকলে নৱ কুমাৰ শৰণীয়া জিন্দাবাদ, গণ সুৰক্ষা পাৰ্টি জিন্দাবাদ, নৱ কুমাৰ শৰণীয়াৰ আক্ৰমণকাৰীক অতিশীঘ্ৰে প্ৰশাসনে কৰায়ত্ব কৰক আদি বিভিন্ন শ্ল‘গানেৰে পৰিৱেশ উত্তাল কৰি তোলে ৷ উল্লেখ্য যে, বুধবাৰে পুৱা জামিনত মুক্তি লাভ কৰে নৱ শৰণীয়াই ৷
লগতে পঢ়ক: চন্দ্ৰপুৰত আছু আৰু ৰাইজৰ প্ৰতিবাদ
