মুছলপুৰত এজনৰ মৃতদেহ উদ্ধাৰ

পিছত পৰিয়াল আৰু স্থানীয় ৰাইজে বিচাৰ খোচাৰ কৰি নিজ ঘৰৰ পৰা এক কিলোমিটাৰ দূৰৈত গঙৰ নৈত উদ্ধাৰ কৰে তেওঁৰ মৃতদেহ ৷ বাঢ়নী পানীৰ কোবাল সোঁতে উটুৱাই নিয়াাৰ ফলতে লোকজনৰ মৃত্যু হোৱা বুলি আশংকা কৰিছে ৰাইজে ৷

বাক্সা, 15 জুলাইঃ বাক্সা জিলাৰ মুছলপুৰ মহকুমাৰ নিকাছি আৰক্ষী চকীৰ অন্তৰ্গত ভূটানখুটিত দেওবাৰে নিশা এটা মৃতদেহ উদ্ধাৰ হয় ৷ নিকাছি আৰক্ষী চকীৰ অন্তৰ্গত ভূটানখুটিৰ গঙৰ নদীত উদ্ধাৰ হয় বাবুৰাম কটোৱালৰ মৃতদেহ ( ৫০) ৷ লোকজনৰ ঘৰ ভূটানখুটি শিমলাবস্তিত ৷ দেওবাৰে আবেলি নদী পাৰ হৈ পথাৰলৈ গৰু আনিবলৈ যোৱাৰ পিছৰ পৰা সন্ধানহীন হৈ আছিল লোকজন ৷

পিছত পৰিয়াল আৰু স্থানীয় ৰাইজে বিচাৰ খোচাৰ কৰি নিজ ঘৰৰ পৰা এক কিলোমিটাৰ দূৰৈত গঙৰ নৈত উদ্ধাৰ কৰে তেওঁৰ মৃতদেহ ৷ বাঢ়নী পানীৰ কোবাল সোঁতে উটুৱাই নিয়াৰ ফলতে লোকজনৰ মৃত্যু হোৱা বুলি আশংকা কৰিছে ৰাইজে ৷ নিশাই ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰি মৰনোত্তৰ পৰীক্ষাৰ বাবে মুছলপুৰলৈ প্ৰেৰণ কৰে ৷