বাক্সা, ২৯ মেঃ কছুবাৰী নাঁওকটা পাথৰিঘাট গড়কাপ্তানী পথৰ দুৰাৱস্থাই জ্বলা-কলা খুৱাইছে সমগ্ৰ পাথৰিঘাটবাসীক । পথটোৰ মাজত থকা প্ৰকাণ্ড- প্ৰকাণ্ড গাঁতৰ বাবে সংঘটিত হৈছে দুৰ্ঘটনাৰ ।
বাক্মা জিলাৰ পাথৰিঘাট গড়কাপ্তানী পথৰ নাঁওকটা চকৰ পশ্চিম দিশৰ প্ৰায় ১০০ মিটাৰ পথৰ শোচনীয় অৱস্থাই দীৰ্ঘদিনৰে পৰা ৰাইজক জ্বলা-কলা খুৱাইছে । গড়কাপ্তানী বিভাগৰ হেমাহীৰ বাবেই জহি-খহি গৈছে পথটো । নাঁওকটা অঞ্চলৰ একমাত্ৰ প্ৰধান পথটোৰ দুৰাৱস্থাৰ বাবে ছাত্ৰ-ছাত্ৰীৰ লগতে বহুলোক দুৰ্ঘটনাত পতিত হ'ব লগীয়া হৈছে । কিন্তু দীৰ্ঘ দিনধৰি স্থানীয় বিধায়কক ৰাইজে পথটো মেৰামতি কৰিবলৈ অনুৰোধ কৰিছিল যদিও কোনো পদক্ষেপ নোলোৱাত ক্ষুব্ধ হৈ পৰে স্থানীয় ৰাইজ । উক্ত পথটো অতি শীঘ্ৰে মেৰামতি কৰি ৰাইজক যাতায়াতৰ বাবে সুচল কৰি দিবলৈ চৰকাৰৰ লগতে বিভাগীয় কৰ্তৃপক্ষলৈ অনুৰোধ কৰিছে বিভিন্ন দল সংগঠনৰ লগতে স্থানীয় ৰাইজে ।
লগতে আন এটি বাতৰি- পুখুৰীৰ ওপৰেদি চলিছে গাড়ী ! কেনেকৈ?
