গোৰেশ্বৰত ড্ৰাগছসহ কৰায়ত্ত ৪ জন

বাক্সা জিলাৰ গোৰেশ্বৰৰ মুকুন্দপুৰত ড্ৰাগছসহ ৪ জনক কৰায়ত্ত ৷ চিৰিঞ্জ লৈ থকা অৱস্থাতে পৰিলক্ষিত কৰি গাঁৱবাসীয়ে গটাই দিয়ে আৰক্ষীক ৷

বাক্সা,১৭ এপ্ৰিল: বাক্সা জিলাৰ গোৰেশ্বৰ মুকুন্দপুৰত শনিবাৰে দুপৰীয়া প্ৰায় ১২.৩০ বজাত ৪ জন যুৱকক ড্ৰাগছসহ হাতে-লোটে কৰায়ত্ত কৰে গাঁৱবাসীয়ে ৷ গাঁৱবাসীৰ তৎপৰতাত গোৰেশ্বৰ থানাৰ আৰক্ষীৰ এটা দলে ড্ৰাগছ আসক্ত যুৱক কেইজনক কৰায়ত্ত কৰি গোৰেশ্বৰ থানালৈ লৈ যায় ৷

আৰক্ষীয়ে ধৃত যুৱক কেইজনৰ পৰা প্ৰায় ২০ গ্ৰাম ড্ৰাগছ ভৰ্তি কণ্টেইনাৰ জব্দ কৰে ৷ আটক হোৱা যুৱক কেইজন ক্ৰমে নীতেশ বসুমতাৰী (18), পাৰ্থপ্ৰতীম ডেকা (28), তন্ময় বসুমতাৰী (17) আৰু মৃদুল বড়ো (19) বুলি জানিব পৰা গৈছে ৷

লগতে পঢ়ক : কুৰালগাচা ভোটকেন্দ্ৰত কেন্দ্ৰীয় বাহিনীৰ শূন্যলৈ গুলীচালনা