স্পৰ্টছ ডেস্ক, 16 মাৰ্চঃ আমেৰিকাত অনুষ্ঠিত হোৱা এটিপি ইণ্ডিয়ান ৱেলছ মাৰ্ষ্টাৰছ টুৰ্ণামেণ্টৰ অন্তিম চাৰিত প্ৰৱেশ স্পেইনৰ তাৰকা খেলুৱৈ ৰাফেল নাডালৰ ৷ কোৱাৰ্টাৰ ফাইনেলত ৰুছৰ কাৰেণ খাচানভক 7-6, 7-6 ছেটত পৰাস্ত কৰি ছেমিফাইনেলত প্ৰৱেশ নাডালৰ ৷ এই জয়ৰ পিচতেই ছেমিফাইনেলত ছুইজাৰলেণ্ডৰ ৰ’জাৰ ফেডেৰৰ মুখামুখি হ’ব নাডাল ৷ 2017 চনৰ পিচত প্ৰথমবাৰৰ বাবে মুখামুখি হ’ব দুয়ো খেলুৱৈ ৷
বৰ্তমান লৈকে 38 বাৰৰ বাবে মুখামুখি হৈছে ফেডেৰৰ আৰু নাডাল ৷ য’ত 15 বাৰ ফেডেৰৰে জয় লাভ কৰাৰ বিপৰীতে 23 বাৰ জয় লাভ কৰিছে নাডালে ৷ 2017 চনত ইণ্ডিয়ান ৱেলছ মাৰ্ষ্টাৰছ টুৰ্ণামেণ্টৰ চতুৰ্থ ৰাউণ্ডত ফেডেৰৰ হাতত 6-2, 6-3 ছেটত পৰাস্ত হৈছিল নাডাল ৷
