স্পৰ্টছ ডেস্ক, 18 ছেপ্তেম্বৰ : ট'কিঅ' অলিম্পিক, 2020 লৈ যোগ্যতা অৰ্জন কৰা প্ৰথমগৰাকী ভাৰতীয় মল্লযুঁজাৰু হিচাপে চিহ্নিত হোৱাৰ পাছতে বিশ্ব মল্লযুঁজ চেম্পিয়নশ্বিপছত ব্ৰঞ্জৰ পদক দখল কৰিছে বিনেশ ফোগতে ৷ ব্ৰঞ্জৰ যুঁজত ভাৰতীয় মল্লযুঁজাৰুগৰাকীয়ে 4-1 ছেটত পৰাস্ত কৰে গ্ৰীছৰ মাৰিয়া প্ৰিভোলাৰাকিক ৷ এই টুৰ্ণামেন্টত পদক দখল কৰা চতুৰ্থগৰাকী মহিলা মল্লযুঁজাৰু হিচাপেও পৰিগণিত হয় বিনেশ ৷
উল্লেখ্য যে, বিনেশ ফোগতে কমনৱেলথ গেমছ, 2014 আৰু 2018 ত ক্ৰমান্বয়ে স্বৰ্ণ পদক দখল কৰিবলৈ সক্ষম হৈছিল ৷ ইয়াৰ পাছতে এছিয়ান গেমছ, 2018 ত 50 কে.জি. শাখাত স্বৰ্ণ জয় কৰিছিল তাৰকা এথলীটগৰাকীয়ে ৷
