অন্ধ্ৰপ্ৰদেশত নাভূত-নাশ্ৰুত কাণ্ডঃ ছানিয়া মিৰ্জাক সজালে পি.টি উষা !

ৰাষ্ট্ৰীয় ক্ৰীড়া দিৱসত অঘটন ৷ ছানিয়া মিৰ্জাক সজালে পি.টি উষা ৷ অন্ধ্ৰপ্ৰদেশ চৰকাৰৰ নাভূত-নাশ্ৰুত কাণ্ড ৷ ছ’চিয়েল মিডিয়াত ভাইৰেল সমগ্ৰ দৃশ্য ৷

স্পৰ্টছ ডেস্ক, 29 আগষ্টঃ আজি দেশজুৰি পালন কৰা হৈছে ৰাষ্ট্ৰীয় ক্ৰীড়া দিৱস ৷ হকীৰ কিংবদন্তী ধ্যানচান্দৰ জন্মদিন উপলক্ষে পালন কৰা ৰাষ্ট্ৰীয় ক্ৰীড়া দিৱসত অন্ধ্ৰপ্ৰদেশ চৰকাৰৰ নাভূত-নাশ্ৰুত কাণ্ড ৷ ৰাষ্ট্ৰীয় ক্ৰীড়া দিৱস উপলক্ষে আয়োজন কৰা অনুষ্ঠানৰ ফ্লেক্ছ তথা বেনাৰত ছানিয়া মিৰ্জাক সজালে পি.টি উষা নামে ৷ ইয়াৰ পাচতেই ছ’চিয়েল মিডিয়াত ভাইৰেল সমগ্ৰ ঘটনা ৷

উল্লেখ্য যে, এই বেনাৰতে প্ৰকাশ অন্ধ্ৰপ্ৰদেশৰ মুখ্যমন্ত্ৰী ৱাইএছ জাগন মোহন ৰেড্ডীৰ লগতে ৰাজ্যৰ ক্ৰীড়ামন্ত্ৰী অভান্থি শ্ৰীনিৱাছৰ ফটো ৷ ৰাষ্ট্ৰীয় ক্ৰীড়া দিৱস উপলক্ষে অন্ধ্ৰপ্ৰদেশ চৰকাৰে অনুষ্ঠিত কৰিছিল এই অনুষ্ঠান ৷ এই অনুষ্ঠানতেই 2014 চনৰ পৰা ৰাষ্ট্ৰীয় পৰ্যায়ত পদক লাভ কৰা খেলুৱৈসকলক নগদ ধনৰাশি প্ৰদান কৰা হয় ৷