বৰপেটা, 16 ডিচেম্বৰ : বৰপেটাৰ প্ৰতিভাৱান কাৰাটে খেলুৱৈ নিচাদ আলী নিৰ্বাচিত হৈছে এচিয়ান কাৰাটে ড' চেম্পিয়নশ্বিপলৈ ৷ এচিয়ান কাৰাটে ড' চেম্পিয়নশ্বিপৰ ভাৰতীয় দলত স্থান লাভ কৰিছে বৰপেটাৰ নিচাদ আলীয়ে (Assam player included in india team for Asian Karate championship) ৷
17 ৰ পৰা 22 ডিচেম্বৰলৈকে কাজাখস্তানৰ আলমাইটি চহৰত অনুষ্ঠিত হ’ব এচিয়ান কাৰাটে ড' চেম্পিয়নশ্বিপ ৷ নিচাদ আলীৰ সৈতে ৰাজ্যৰ আন এগৰাকী প্ৰতিভাৱান কাৰাটে খেলুৱৈ হেম্পু বংজাঙো নিৰ্বাচিত হৈছে এই কাৰাটে খেললৈ ৷
ৰাজ্যখনৰ দুগৰাকীকৈ কাৰাটে খেলুৱৈ এচিয়ান চেম্পিয়নশ্বিপলৈ নিৰ্বাচিত হোৱাৰ খবৰে ৰাজ্যৰ ক্ৰীড়াক্ষেত্ৰখনৰ সৈতে জড়িত সকলক আনন্দিত কৰি তুলিছে (two players from assam will participate in Asian Karate do championship) ৷ নিচাদ আলীয়ে ইতিমধ্যে বিশ্ব কাৰাটে ড' প্ৰতিযোগিতাতো অংশগ্ৰহণ কৰিছিল ৷
আফ্ৰিকাৰ ডাৰবানত অনুষ্ঠিত কমনৱেলথ গেমচত সোণৰ পদক লাভ কৰিবলৈ সক্ষম হৈছিল খেলুৱৈ গৰাকী ৷ বৰ্তমানে অনুশীলনত ব্যস্ত দুয়ো গৰাকী খেলুৱৈ ৷
লগতে পঢ়ক: মাৰাডোনাৰ ঘড়ী চুৰি কাণ্ডৰ নতুন মোৰ : বিপাঙত আৰক্ষী
