নিউজ ডেস্ক, 20 ডিচেম্বৰ: ভাৰতীয় খেলুৱৈসকলে হাংঝোত অনুষ্ঠিত এছিয়ান গেমছ ২০২৩ ত ভাৰতৰ ক্ৰীড়া ইতিহাসত নতুন অধ্যায় ৰচনা হয় ৷ ব্যতিক্ৰমী দক্ষতা, গ্ৰিট, অধ্যৱসায় আৰু দৃঢ়তা প্ৰদৰ্শন কৰে ভাৰতৰ খেলুৱৈয়ে । ভাৰতীয় দলটোৱে অভিলেখ সংখ্যক পদকেৰে সংখ্যাৰে নতুন উচ্চতা লাভ কৰি সকলোৰে আশা পূৰণ কৰিলে ৷ বিশ্বৰ মঞ্চত তেওঁলোকে এক নতুন পৃষ্ঠা লিখি আহিল ৷
বিপুল আশা আৰু উচ্চাকাংক্ষাৰ দ্বাৰা ইন্ধন যোগোৱা এছিয়ান গেমছৰ ১৯ সংখ্যক সংস্কৰণত ভাৰতে নিজৰ যাত্ৰা আৰম্ভ কৰিছিল আৰু তেওঁলোকে নিৰাশ কৰা নাছিল । ভাৰতীয় দলটোৱে উৎসাহজনক আৰম্ভণি কৰিছিল আৰু পদকৰ সংখ্যাৰ উল্লেখযোগ্য উত্থানেৰে প্ৰতিযোগিতাখন সমাপ্ত কৰিছিল । এই কীৰ্তিচিহ্নস্বৰূপ কৃতিত্বই ভাৰতীয় খেলুৱৈসকলৰ দক্ষতাক আলোকপাত কৰাই নহয়, তেওঁলোকৰ প্ৰতিভাক লক্ষ্য কৰিবলৈ বিশ্ববাসীক বাধ্য কৰে ৷ যাৰ ফলত ক্ৰীড়া ক্ষেত্ৰখনত ভাৰতৰ স্থান দৃঢ় হৈ পৰিল । উল্লেখযোগ্য যে ভাৰতীয় খেলুৱৈয়ে হাংঝোত লাভ কৰা কৃতিত্ব পৰা প্ৰেৰণা লৈ এতিয়া দেশৰ বহু খেলুৱৈয়ে ক্ৰীড়াক পেছা হিচাপে লৈছে ৷
এছিয়ান গেমছত ভাৰতৰ যাত্ৰাৰ কাহিনী বিশ্ব পৰ্যায়ত অদম্য প্ৰতিশ্ৰুতি, ত্যাগ আৰু উন্নতিৰ অদম্য সাধনাৰে ৰচিত । প্ৰতিযোগিতাখনৰ সামান্য আৰম্ভণিৰ পৰাই ১৫ টা সোণ, ১৬ টা ৰূপ আৰু ২০ টা ব্ৰঞ্জৰ পদক লাভ কৰি পদকৰ সংখ্যাত দ্বিতীয় স্থান দখল কৰি ২০২৩ চনত ১০৭ টা পদক লাভ কৰা ভাৰতৰ বিৱৰ্তন অসাধাৰণতকৈ কম নহয় ।
ভাৰতে এছিয়ান গেমছত প্ৰথমবাৰৰ বাবে ১০০ পদকৰ সীমা অতিক্ৰম কৰি ২০১৮ চনৰ জাকাৰ্টাত পূৰ্বৰ ৭০ টা পদক অৰ্জনৰ অভিলেখক পিচ পেলায় ৷ এয়া এক স্মৰণীয় মুহূৰ্ত আছিল । এই জয় ক্ৰীড়াবিদ আৰু সহায়ক কৰ্মচাৰীৰ কঠোৰ পৰিশ্ৰম আৰু নিষ্ঠাৰ ফচল ৷ উল্লেখযোগ্য যে ভাৰতে ৬৫৫ জন সদস্যৰে গৌৰৱ কৰিছিল আৰু শক্তিশালী দেশ চীন, জাপান আৰু কোৰিয়া গণৰাজ্যৰ পিছতে আকৰ্ষণীয় চতুৰ্থ স্থান দখল কৰিছিল ।
হাংঝোত অনুষ্ঠিত এছিয়ান গেমছত সুবিমল উজ্জ্বলতা দেখা গৈছিল । ভাৰতীয় খেলুৱৈসকলে উৎকৃষ্টতাৰ শিখৰ স্পৰ্শ কৰি মহাদেশখনৰ ক্ৰীড়া পৰিৱেশত এক অবিস্মৰণীয় চিন ৰাখিলে ।
উল্লেখযোগ্য কৃতিত্বসমূহৰ ভিতৰত আছে:
আৰ্চাৰী গোল্ড (৯টা পদক- ৫টা সোণ, ২টা ৰূপ, ২টা ব্ৰঞ্জ):
কম্পাউণ্ড আৰ্চাৰী ইভেণ্টত ভাৰতে আধিপত্য বিস্তাৰ কৰিছিল কাৰণ দেশখনে পাঁচটা সোণৰ পদক লাভ কৰিছিল । এছিয়ান গেমছত ভাৰতৰ হৈ কম্পাউণ্ড আৰ্চাৰী মিক্সড দলত জ্যোতি সুৰেখা ভেন্নাম আৰু প্ৰবীণ ওজাশ দেওতালেৰ যুটিয়ে ঐতিহাসিক প্ৰথমটো সোণৰ পদক লাভ কৰে । আনহাতে জ্যোতি ভেনামে দলীয় আৰু ব্যক্তিগত কম্পাউণ্ড ইভেণ্টকে ধৰি দুটাকৈ স্বৰ্ণ পদক লাভ কৰাৰ বিপৰীতে ওজাছ আৰু অভিষেক ভাৰ্মাই ক্ৰমে স্বৰ্ণ আৰু এটা ৰূপৰ পদক লাভ কৰি এই শাখাত ভাৰতৰ পাৰদৰ্শিতা প্ৰদৰ্শন কৰে ।
বক্সিং (৫ টা পদক- ১ টা ৰূপ, ৪ টা ব্ৰঞ্জ):
ভাৰতীয় বক্সাৰসকলেও নিজৰ যোগ্যতা প্ৰমাণ কৰে ৷ মহিলাৰ ৭৫ কেজি শাখাত অলিম্পিকৰ পদক বিজয়ী লাভালীনা বৰগোহাঁইৰ ৰূপৰ পদককে ধৰি পাঁচটা পদক লাভ কৰে বক্সাৰসকলে । নিখাত জৰীণ, প্ৰীতি, নৰেন্দ্ৰ আৰু পাৰবীন হুডাই ব্ৰঞ্জৰ পদক লাভ কৰি পদক তালিকালৈ গুৰুত্বপূৰ্ণ অৰিহণা যোগায় ।
বেডমিণ্টন (৩টা পদক- ১টা সোণ, ১টা ৰূপ, ১টা ব্ৰঞ্জ):
আঘাতৰ পিছত ক’ৰ্টলৈ উভতি অহা ভাৰতৰ তাৰকা শ্বাটলাৰ পিভি সিন্ধুৰ পৰা ভাৰতীয় অনুৰাগীৰ আশা আছিল যদিও তেওঁ নকআউটৰ বাবেও যোগ্যতা অৰ্জন কৰিব পৰা নাছিল । অৱশ্যে বেডমিন্টনত সাতৱিক সাইৰাজ ৰেংকিৰেড্ডী আৰু চিৰাগ শ্বেট্টীৰ যুটিয়ে স্বৰ্ণ পদক লাভ কৰাৰ লগতে এইচ এছ প্ৰাণোয়ে ব্ৰঞ্জৰ পদক লাভ কৰাৰ বিপৰীতে পুৰুষৰ দলটোৱে ৰূপৰ পদক লাভ কৰে ।
হকী (২টা পদক- ১টা সোণ, ১টা ব্ৰঞ্জ):
ভাৰতীয় পুৰুষ হকী দলটোৱে ২০১৮ চনৰ জাকাৰ্টা এছিয়ান গেমছৰ অসমাপ্ত কামটো সমাপ্ত কৰি আৰু এখোজ আগুৱাই গৈ ইতিহাসত চতুৰ্থবাৰৰ বাবে সোণৰ পদক লাভ কৰে । ডিফেণ্ডিং চেম্পিয়ন জাপানক পৰাস্ত কৰি ব্ৰঞ্জৰ পদক লাভ কৰে ‘উইমেন ইন ব্লু’ দলে । উল্লেখযোগ্য যে ভাৰতৰ মহিলা হকী দলটোৱে পূৰ্বৰ সংস্কৰণত ৰূপৰ পদক লাভ কৰিছিল, ছেমি ফাইনেলত ৰিপাব্লিক অৱ চাইনাৰ হাতত পৰাস্ত হৈছিল ।
কাবাডী (২টা স্বৰ্ণ পদক):
২০১৮ চনৰ জাকাৰ্টা এছিয়ান গেমছৰ পৰা এখোজ আগুৱাই গৈ হাংঝোৰ ফাইনেলত চীনা টাইপেইক ২৬-২৫ পইন্টত পৰাস্ত কৰি সোণৰ পদক লাভ কৰে মহিলা কাবাডী দলটোৱে । আনকি পুৰুষৰ কাবাডী দলটোৱেও এই ক্ৰীড়াত নিজৰ আধিপত্য বজাই ৰাখি নিজৰ গৌৰৱৰ স্থান ঘূৰাই পালে । কাবাডীৰ কথা আহিলে ভাৰত অতুলনীয় হৈয়েই আছে বুলি প্রমাণ কৰি ইৰাণৰ সৈতে পৱন ছেহৰাৱাটৰ নেতৃত্বাধীন দলটোৱে প্রতিশোধ ল’লে ৷
শ্বুটিং (২২টা পদক - ৭টা সোণ, ৯টা ৰূপ, ৬টা ব্ৰঞ্জ):
৭ টা স্বৰ্ণ, ৯ টা ৰূপ, ৬ টা ব্ৰঞ্জকে ধৰি ২২ টা পদক লাভ কৰি ভাৰতীয় শ্বুটিং দলটোৱে ভাৰতৰ সফলতাৰ কাহিনীত গুৰুত্বপূৰ্ণ ভূমিকা পালন কৰিছিল । ভাৰতীয় শ্বুটিঙৰ প্ৰতিভাৰ সৰ্বোত্তম প্ৰদৰ্শনেৰে ভাৰতৰ ৩৩ জনীয়া শ্বুটিং ব্ৰিগেডৰ বাবে এয়া আছিল এতিয়ালৈকে শ্ৰেষ্ঠ এছিয়ান গেমছ ।
ট্ৰেক এণ্ড ফিল্ড ব্ৰিলিয়েন্স এথলেটিকছ (২৯টা পদক - ৬টা সোণ, ১৪টা ৰূপ, ৯টা ব্ৰঞ্জ):
ট্ৰেক এণ্ড ফিল্ড খেলুৱৈসকলে ভাৰতৰ হৈ ২৯ টা পদক অৰ্জন কৰে । মহিলাৰ ৫০০০ মিটাৰ ষ্টীপলচেজত পাৰুল চৌধাৰীয়ে স্বৰ্ণ পদক অৰ্জন কৰে আৰু তাৰ পিছত কিশোৰ কুমাৰ জেনাই আশ্চৰ্যকৰ ৮৬.৭৭ মিটাৰ থ্ৰ’ৰে জেভেলিন ইভেণ্টত ৰূপৰ পদক লাভ কৰে ৷ যিয়ে অলিম্পিকৰ স্বৰ্ণ পদক বিজয়ী নীৰজ চোপ্ৰাক ক্ষণিকৰ বাবে অতিক্ৰম কৰে যদিও অৱশেষত নীৰজে স্বৰ্ণ পদক লাভ কৰে ।
আশ্চৰ্য:
ইকুৱেষ্ট্ৰিয়ান ইণ্ডিভিজুৱেল ড্ৰেছেজত অনুশ আগৰৱালাই প্ৰথমবাৰৰ বাবে ব্ৰঞ্জৰ পদক অৰ্জন কৰে ৷ তাৰ পিছত হৃদয়, দিব্যকৃতি, সুদীপ্তি আৰু অনুশে টিম ড্ৰেছেজ ইকুৱেষ্ট্ৰিয়ানত সোণৰ পদককে ধৰি আন বহু ইভেণ্টত ভাৰতীয় দলটোৱে সকলোকে স্তম্ভিত কৰি তুলিছিল ।
আনকি ভাৰতীয় মহিলা খেলুৱৈসকলে মহিলা টেবুল টেনিছ দলৰ ব্ৰঞ্জৰ পদক লাভ কৰিছিল । পুৰুষৰ ডাবল ১০০০ মিটাৰ দৌৰত কেন’ৰ অৰ্জুন সিং আৰু সুনীল সিং চালামে ঐতিহাসিক ব্ৰঞ্জৰ পদক আৰু মিশ্ৰিত ৩৫ কিলোমিটাৰ দৌৰ খোজত ৰাম বাবু আৰু মঞ্জু ৰাণীয়ে তৃতীয় স্থান দখল কৰাটোৱেই ভাৰতীয় খেলুৱৈসকলৰ স্থিতিস্থাপকতা আৰু মনোভাৱৰ প্ৰমাণ ।
ভাৰতৰ দুয়োটা, পুৰুষ আৰু মহিলা ৰোলাৰ স্কেটিং দলে ৩০০০ মিটাৰ ৰিলে টিম ইভেণ্টত দুটাকৈ পদক লাভ কৰে । ভাৰতৰ মহিলা ৰেগু দল আৰু পুৰুষৰ ব্ৰীজ দলেও ক্ৰমে ব্ৰঞ্জ আৰু ৰূপৰ পদক লাভ কৰে । উল্লেখযোগ্য যে অদিতি অশোকে মহিলাৰ ব্যক্তিগত শাখাত ৰূপৰ পদক লাভ কৰি এছিয়ান গেমছত গ’ল্ফ পদক লাভ কৰা প্ৰথমগৰাকী ভাৰতীয় মহিলা হিচাপে পৰিগণিত হয় ।
কেন্দ্ৰ আৰু ইয়াৰ গতিশীল নেতৃত্বই এই খেলুৱৈসকলক তেওঁলোকৰ প্ৰশিক্ষণ আৰু প্ৰস্তুতিৰ বাবে বহু সহায় আগবঢ়াইছে, এক দৃষ্টিভংগী প্ৰদান কৰিছে, আৰু দেশৰ ক্ৰীড়া প্ৰতিভা আৰু তেওঁলোকৰ উল্লেখযোগ্য কৃতিত্বক লালন-পালন কৰাত গুৰুত্বপূৰ্ণ ভূমিকা গ্ৰহণ কৰিছে ।
কেন্দ্ৰীয় ক্ৰীড়া মন্ত্ৰী অনুৰাগ ঠাকুৰৰ প্ৰচেষ্টা আৰু ক্ৰীড়াৰ ক্ষেত্ৰখনত যুৱক-যুৱতীসকলৰ গুৰুত্ব আৰু প্ৰয়োজনীয়তাৰ বুজাবুজিয়ে বিশ্বৰ মঞ্চত দেশৰ উল্কাপিণ্ডৰ দৰে উত্থানৰ পথ প্ৰশস্ত কৰিছে। খেলো ইণ্ডিয়া কাৰ্যসূচী বা ৰাষ্ট্ৰীয় ক্ৰীড়াৰ প্ৰৱৰ্তনেও সমগ্ৰ দেশৰ খেলুৱৈসকলক একত্ৰিত কৰি, প্ৰদৰ্শন, আৰু নিজৰ প্ৰতিভা প্ৰদৰ্শন কৰিবলৈ সুবিধা দিছে।
২০২৩ চনৰ এই এছিয়ান গেমছত কেৱল পদকৰ সংখ্যাই নহয়, ই ক্ৰীড়া ক্ষেত্ৰখনত উন্নত ভৱিষ্যতৰ প্ৰতিশ্ৰুতি দিয়ে । ভাৰতৰ খেলুৱৈসকলে প্ৰমাণ কৰি দেখুৱাইছে যে তেওঁলোকে কেৱল প্ৰতিযোগিতাত অংশগ্ৰহণ কৰিব নোৱাৰে বৰঞ্চ বিশ্বৰ শ্ৰেষ্ঠ খেলুৱৈক পৰাস্ত কৰিব পাৰে ৷ নতুনকৈ পোৱা আত্মবিশ্বাস আৰু দৃঢ়তাৰে আগন্তুক ২০২৪ চনৰ পেৰিছ অলিম্পিকৰ বাবে অধিক আকাংক্ষা জগাই তুলিছে তেওঁলোকে ।
সামৰণিত ক’ব পাৰি যে এছিয়ান গেমছ ২০২৩ত ভাৰতৰ ঐতিহাসিক প্ৰদৰ্শন দেশখনৰ ক্ৰীড়া পৰিৱেশৰ বিকাশৰ প্ৰমাণ । ভাৰতীয় খেলুৱৈসকলক বিশ্ব জয় কৰিবলৈ, ঠিক সঠিক দিশ, সমৰ্থন, দৃষ্টিভংগী আৰু অনুশাসনৰ প্ৰয়োজন । ২০২৪ চনৰ পেৰিছ অলিম্পিক আৰু ইয়াৰ পাছতো আমি আগলৈ চালে ই এক গৌৰৱ আৰু আশাৰ মুহূৰ্ত, যিটো মুহূৰ্তত ভাৰতে সঁচাকৈয়ে বিশ্বৰ ক্ৰীড়া জগতত আগশাৰীত উপস্থিত হৈছে আৰু আকাশখনেই ইয়াৰ এথলেটিক উচ্চাকাংক্ষাৰ সীমা ।
লগতে পঢ়ক: 2023 year-ender: সমগ্ৰ বিশ্ব কঁপোৱা মণিপুৰ হিংসাৰ এক অৱলোকন
