স্পৰ্টছ ডেস্ক, 22 জুনঃ ভাৰতীয় অলিম্পিক সন্থাৰ ভিতৰত হৈ থকা অসৎ ৰাজনীতিক লৈ অসন্তুষ্ট ভাৰতীয় ভাৰোত্তলন ফেডাৰেচনৰ মহাসচিব জেনৰেল সহদেৱ যাদৱৰ । অলিম্পিক সন্থাৰ আনুষ্ঠানিক ৱেবচাইটৰ পৰা কাৰ্যকাৰী পৰিষদৰ সদস্য়, উপাধ্যক্ষ আৰু সহ সচিব নাম আঁতৰোৱা সন্দৰ্ভত আশ্বৰ্যকৰ ব্য়ক্ত কৰি ভাৰতীয় অলিম্পিক সন্থালৈ এক পত্ৰ প্ৰেৰণ কৰে যাদৱে ।
পত্ৰত উল্লেখ কৰা হৈছে, আজি মই ভাৰতীয় অলিম্পিক সন্থাৰ আনুষ্ঠানিক ৱেবচাইটত চাই আশ্বৰ্য অনুভৱ কৰিছো যে কাৰ্যকাৰী পৰিষদ, উপাধ্যক্ষ আৰু সহ-সচিবৰ সদস্য়ৰ নাম অকস্মাতে ৱেবচাইটৰ পৰা আঁতৰাই দিয়া হ'ল । লগতে কয়, IOA ৰ জেষ্ঠ আৰু অভিজ্ঞ সদস্য সকলক আঁতৰোৱা কাৰ্য পক্ষপাতমূলক, ভেদভাৱৰ লগতে অনুচিত । মই এই লোকজনক নিন্দা কৰিছো যিয়ে ইয়াৰ বাবে দায়ী ।
IOA ৰ পৰিয়াল কিছু লেতেৰা মগজুৰ লোকে লেতেৰা ৰাজনীতি কৰিবলৈ ষড়যন্ত্ৰ কৰি আছে বুলিও উল্লেখ কৰে যাদৱে ।
উল্লেখ্য যে, সন্থাত বৰ্তমান আভ্যন্তৰীণ কন্দল চলি আছে । অধ্যক্ষ আৰু উপাধ্যক্ষ সুধাংশু মিট্টলৰ মাজত মত-বিৰোধ দেখা পোৱা গৈছে ।
মিট্টলে দাবী কৰিছে যে, 2017 চনৰ ডিচেম্বৰ মাহত সন্থাৰ অধ্যক্ষ ৰূপে বাত্ৰাৰ নিৰ্বাচন প্ৰক্ৰিয়াৰ নিয়মৰ উলংঘা হৈছিল । অৱশ্যে এই ধৰণৰ অভিযোগক খণ্ডন কৰিছে বাত্ৰাই । বাত্ৰা অধ্যক্ষৰ পদত অধিষ্ঠিত থকাটো অবৈধ আৰু তেওঁ সোনকালেই অপসাৰণ কৰিব লাগে বুলি কয় মিট্টলে ।
