চতুৰ্থ মেচত অষ্ট্ৰেলিয়াৰ হাতত ধৰাশায়ী ভাৰতীয় হকী দল

ভাৰতীয় পুৰুষ হকী দলে বুধবাৰে অনুষ্ঠিত মেচত অষ্ট্ৰেলিয়াৰ বিৰুদ্ধে 4-0ৰ ব্যৱধানত পৰাজয়ৰ সন্মুখীন হৈছে ৷ অষ্ট্ৰেলিয়া দলৰ হৈ ব্লেক গ'ভাৰ্ছ আৰু জেৰেমী হেৱাৰ্ডে 2 টাকৈ গ'ল কৰিবলৈ সক্ষম হয় ৷

স্পৰ্টছ ডেস্ক, 15 মে': বুধবাৰে পাৰ্থত অনুষ্ঠিত মেচত ভাৰতীয় পুৰুষ হকী দলে অষ্ট্ৰেলিয়াৰ বিৰুদ্ধে চতুৰ্থ মেচত 4-0 ৰ বৃহৎ ব্যৱধানত পৰাজয়ৰ সন্মুখীন হৈছে ৷ মেচখনত বিশ্ব ৰেংকিঙৰ দ্বিতীয় সংখ্যক স্থানৰ অষ্ট্ৰেলিয়াৰ বিৰুদ্ধে ভাৰতীয় দলে এটাও গল কৰিবলৈ সক্ষম নহ'ল ৷

চতুৰ্থ মেচত অষ্ট্ৰেলিয়াৰ হাতত ধৰাশায়ী ভাৰতীয় হকী দল

বিশ্ব ৰেংকিঙৰ পঞ্চম সংখ্যক স্থানৰ ভাৰতীয় দলে প্ৰথম তিনিখন মেচত অপৰাজিত হৈ থকাৰ পাছত এইখন মেচত পৰাজিত হ'বলগীয়া হয় ৷ অষ্ট্ৰেলিয়া দলৰ হৈ ব্লেক গ'ভাৰ্ছ আৰু জেৰেমী হেৱাৰ্ডে 2 টাকৈ গল কৰিবলৈ সক্ষম হয় ৷