নগাঁও, 29 নৱেম্বৰ : নগাঁৱত বৰচিলা যুৱক সংঘৰ সৌজন্যত প্ৰাইজমানি ফুটবল প্ৰতিযোগিতা দেওবাৰে অনুষ্ঠিত হয় ৷ প্ৰতিযোগিতাখনিত জে. বি. ক্লাৱ, কাছমাৰী বনাম সোনাইপৰীয়া আঞ্চলিক ফুটবল ক্লাৱৰ মাজত হোৱা চূড়ান্ত খেলখনত জে. বি. ক্লাৱ, কাছমাৰী দলটো 4-2 গলৰ ব্যৱধানত বিজয়ী হয় ।
নগাঁৱৰ বৰচিলাৰ উত্তৰ শিলপুখুৰী মাধ্যমিক বিদ্যালয় খেলপথাৰত বৰচিলা যুৱক সংঘৰ সৌজন্যত স্বৰ্গীয় গোলেশ্বৰ বৰদলৈ আৰু স্বৰ্গীয় ৰাজকুমাৰ বৰদলৈ সোঁৱৰণী প্ৰাইজমানি ফুটবল প্ৰতিযোগিতাখন 12 নৱেম্বৰত আৰম্ভ হৈছিল ।
উল্লেখ্য যে, প্ৰতিযোগিতাখনত নগাওঁ জিলাৰ অতিৰিক্ত উপায়ুক্ত গৰ্গমোহন দাস, তিৱা স্বায়ত্ব পৰিষদৰ প্ৰাক্তন CM ধৰ্মেন্দ নাথ বৰদলৈৰ লগতে বহুতো ব্যক্তি উপস্থিত থাকে ।
লগতে পঢ়ক : ৯৩ সংখ্যক হাউলী ৰাস মহোৎসৱৰ শুভাৰম্ভ কৰে ৰঞ্জিত দাসে
