স্পৰ্টছ ডেস্ক, 14 জুন : ভাৰতীয় ফুটবল দলৰ অধিনায়ক সুনীল চেত্ৰীয়ে বিশ্বাস কৰে যে, খেলুৱৈসকল এনে লোকৰ সংগত থকা উচিত যিসকলে উন্নতি আৰু সঠিক পথত পৰিচালিত কৰিব পাৰে ৷
35 বৰ্ষীয় চেত্ৰীয়ে ভাৰতীয় ফুটবল দলৰ এক অফিচিয়েল ফেছবুক পেজত কয়, "এনে মানুহৰ সংগত থাকক যি আপোনাক উন্নতি কৰিবলৈ আৰু আপোনাৰ সৈতে উন্নতি কৰিবলৈ বিচাৰে ৷ আপোনাৰ শুভাকাংক্ষীয়ে আপোনাক সঠিক পথত পৰিচালিত কৰিব লাগিব আৰু প্ৰতিদিনে উন্নতিৰ পথত আগবাঢ়িবলৈ প্ৰেৰণা প্ৰদান কৰিব লাগিব ৷"
"মোক উন্নতিৰ পথত পৰিচালিত কৰা লোকসকলে পিছফালৰ পৰা দায়িত্ব পালন কৰে আৰু তেওঁলোক হৈছে মোৰ ঘনিষ্ঠ বন্ধুসকল, পত্নী আৰু পৰিয়াল ৷ মানুহে তেওঁলোকৰ বিষয়ে নাজানে ৷ মইহে বাহিৰলৈ ওলাই যাওঁ দায়িত্ব পালন কৰো ৷ মোক সঠিক পৰামৰ্শ দি আৰু মোৰ ভুলবোৰ মুখৰ আগত কৈ মোৰ উন্নতিত প্ৰতিদিনে তেওঁলোকে অৱদান আগবঢ়ায় ৷"
চেত্ৰীয়ে লগতে কয়, "ফুটবল খেলুৱৈসকলে তেওঁলোকৰ টকা কেনেদৰে ব্যৱহাৰ কৰিব লাগে সেই সম্পৰ্কত জনা উচিত ৷ মই এইবোৰত বিশেষজ্ঞ নহয় যদিও মৌলিক বিষয়বোৰ সম্পৰ্কত জানিব লাগে বুলি ভাবো ৷"
"মই দলৰ অন্য খেলুৱৈসকলৰ সৈতে কৰ, বিনিয়োগৰ আঁচনি আৰু অন্যান্য কথাসমূহ আলোচনা কৰো ৷"
উল্লেখ্য যে, চেত্ৰী হৈছে ভাৰতৰ সৰ্বকালৰ শীৰ্ষ গ'লদাতা আৰু আন্তৰাষ্ট্ৰীয় ফুটবলৰ সক্ৰিয় খেলুৱৈসকলৰ ভিতৰত দ্বিতীয় সৰ্বোচ্চ গ'লদাতা ৷
2017-18 চনত ইণ্ডিয়ান ছুপাৰ লীগত দেখুওৱা প্ৰদৰ্শনৰ বাবে চেত্ৰীয়ে 'Hero of the League' সন্মান লাভ কৰিছিল ৷ ইয়াৰোপৰি, 2017 চনৰ 'AIFF Player of the Year' সন্মানো লাভ কৰিবলৈ সক্ষম হৈছিল সুনীল চেত্ৰীয়ে ৷
লগতে পঢ়ক : ছেপ্তেম্বৰত শ্ৰীলংকাত আইপিএল অনুষ্ঠিত কৰিব পৰা যায় : গাভাস্কাৰ
