স্পৰ্টছ ডেস্ক, 26 অক্টোবৰ : আগন্তুক আইএছএল 2020-21 ছিজনৰ বাবে মুম্বাই চিটী এফচিৰ সৈতে চুক্তিবদ্ধ হৈছে ডিফেণ্ডাৰ তোনদোনবা সিং ৷ দুবছৰৰ বাবে মুম্বাই দলৰ সৈতে চুক্তিবদ্ধ হৈছে 25 বৰ্ষীয় ডিফেণ্ডাৰগৰাকী ৷
এক চৰকাৰী বিবৃতিত তোনদোবাই কয়, "এয়া মোৰ কেৰিয়াৰৰ নতুন অধ্যায় ৷ ইয়াত স্থান লাভ কৰি অতি সুখী আৰু আৰম্ভণি কৰিবলৈ মই আগ্ৰহেৰে ৰৈ আছো ৷ মই আইএছএলৰ দুটা ছিজনত অংশগ্ৰহণ কৰিছো আৰু মুম্বাই চিটীৰ দৰে দলৰ সৈতে চুক্তিবদ্ধ হোৱাটো এজন ফুটবলাৰ হিচাপে আশা কৰিছিলো ৷"
তেওঁ লগতে কয়, "এই দলত স্থান লাভ কৰা বাবে এজন খেলুৱৈ আৰু এজন ব্যক্তি হিচাপে মোৰ বিকাশত সহায় কৰিব ৷ দলটোৰ বাবে শ্ৰেষ্ঠ প্ৰদৰ্শন আৰু মেচ জয় কৰিবলৈ মই ব্যাকুল হৈ আছো ৷"
যুৱ ফুটবলাৰ হিচাপে নাৰোকা এফচিৰ হৈ ফুটবল কেৰিয়াৰ আৰম্ভ কৰা তোনদোবাই জ্যেষ্ঠ ফুটবল দল মনিপুৰী ক্লাবত স্থান লাভ কৰিছিল ৷ দলটোৰ হৈ বহু গুৰুত্বপূৰ্ণ প্ৰদৰ্শন আগবঢ়াইছিল তোনদোবাই ৷
ইয়াৰ পাচতে তোনদোবাই চেন্নাইয়ান এফচিৰ হৈ আইএচএলত স্থান লাভ কৰিছিল আৰু দুটাকৈ ছিজনত মুঠ 26 খন মেচত অংশগ্ৰহণ কৰিছিল ৷
লগতে পঢ়ক : ভাৰতীয় দলৰ অষ্ট্ৰেলিয়া ভ্ৰমণ : টি-20, এদিনীয়া আৰু টেষ্ট দল ঘোষণা
