স্পৰ্টছ ডেস্ক, 30 ডিচেম্বৰ: প্ৰিমিয়াৰ লীগত দেওবাৰে মেনচেষ্টাৰ চিটিৰ হাতত 2-0 গ’লত পৰাজয়ৰ সন্মুখীন হ’ল ছেফফ্লীড ইউনাইটেড ৷ এই পৰাজয়ৰ লগে-লগেই প্ৰিমিয়াৰ লীগত দ্ৰুততম 100 সংখ্যক জয় লাভ কৰা পৰিচালক হ’ল গাৰ্ডিয়’লা ৷ 134 সংখ্যক মেচত এই অভিলেখ গঢ়িবলৈ সক্ষম হ’ল মেনচেষ্টাৰ চিটিৰ পৰিচালক গাৰ্ডিয়’লাই ৷ স্পেনিছ পৰিচালকগৰাকীয়ে জছ মুৰিন্হ’ৰ পূৰ্বৰ 142 সংখ্যক মেচৰ অভিলেখ ভংগ কৰি লাভ কৰে এই কৃতিত্ব ৷ উল্লেখ্য যে, 2014 চনত মেনচেষ্টাৰ চিটিক 3-1 গ’লত চেল্সীয়ে পৰাস্ত কৰাৰ পাচত মুৰিন্হ’ৱে প্ৰিমিয়াৰ লীগত দ্ৰুততম 100 সংখ্যক জয় লাভ কৰাৰ অভিলেখ গঢ়িছিল ৷ ইপিনে এই তালিকাৰ তৃতীয় স্থানত আছে লিভৰপুলৰ জাৰ্গন ক্লাপৰ ৷ 159 সংখ্যক মেচত 100 সংখ্যক জয় লাভ কৰিছিল ক্লাপে ৷
| Manager | No. of Games |
| Pep Guardiola | 134 |
| Jose Mourinho | 142 |
| Jurgen Klopp | 159 |
| Alex Ferguson | 162 |
| Arsene Wenger | 179 |
