চিৰাং, 26 জুলাইঃ গোৰ্খা ব্ৰাদাৰ্ছৰ উদ্যোগত আৰু দেউশ্ৰী আৱাসিক কোচিং চেন্টাৰৰ সাহায্যৰ্থে চিৰাঙৰ ভাৰত-ভূটান সীমান্তত অনুষ্ঠিত কৰা হয় ইন্দো-আফ্ৰিকান প্ৰিতি ফুটবল মেচ ৷ খেলখনত আফ্ৰিকান একাদশে গোৰ্খা ব্ৰাদাৰ্ছ একাদশক ২-০ গ’লত পৰাস্ত কৰিবলৈ সক্ষম হয় ৷ খেলখনত আফ্ৰিকান একাদশৰ হৈ ২৮ আৰু ৩২ মিনিটত চেমুৱেল বটেঙে দুটাকৈ গ’ল কৰি জয় নিশ্চিত কৰে দলটোৰ ৷
দুয়োখন দেশৰ খেলুৱৈৰে অনুষ্ঠিত হোৱা বন্ধুত্বপূৰ্ণ খেলখনত সদৌ ভাৰত ফুটবল সন্থাৰ বিষয়ববীয়া, অসম ফুটবল সন্থাৰ উপ-সভাপতি বলোৰাম ব্ৰহ্ম, সদৌ অসম গোৰ্খা ছাত্ৰ সন্থা (আগছু) ৰ সভাপতি প্ৰেম তামাং, মানৱ অধিকাৰ আৰু সামাজিক ন্যায়, অসমৰ অধ্যক্ষ মাধৱ ছেত্ৰী বিশিষ্ট অতিথি হিচাপে উপস্থিত থাকে ৷
এই ফুটবল খেলৰ জৰিয়তে দেউশ্ৰিত গোৰ্খা ব্ৰাদাৰ্ছ ফুটবল ক্লাৱ নামেৰে এটা ফুটবল দলৰ আৱিৰ্ভাৱ ঘটাৰ লগতে দেউশ্ৰিত ফুটবল প্ৰশিক্ষণ কেন্দ্ৰও স্থাপন কৰা হয় ।
