নিউজ ডেস্ক, 26 এপ্ৰিল: জেচন ৰয় আৰু অধিনায়ক নীতিশ ৰাণাৰ বিস্ফোৰক বেটিং তথা বৰুণ চক্ৰৱৰ্তীৰ দুৰ্দান্ত বলিঙৰ সাহয়ত শক্তিশালী ৰয়েল চেলেঞ্জাৰ্ছ বেংগালুৰুৰ বিৰুদ্ধে 21 ৰাণত জয়লাভ কৰিলে কলকাতা নাইট ৰাইডাৰ্ছে ৷ প্ৰথমে বেটিং কৰা কেকেআৰৰ অপেনাৰ জেচন আৰু জগদীশনে সুন্দৰ আৰম্ভণি কৰে (KKR beats RCB)৷
দুয়োজনে দলৰ স্ক’ৰ 9.2 অভাৰত 83 ৰাণ কৰাৰ সময়তে প্ৰথমে আউট হয় জগদীশন(27) ৷ তাৰ পাচতেই 56 ৰাণ কৰি পেভিলিয়নলৈ ওভতে জেচন ৷ কিন্তু ভেংকটেশ আয়াৰ আৰু নীতিশ ৰাণাই দলক একে গতিৰে আগুৱাই নিয়ে ৷ 48 ৰাণ কৰি নীতিশ ৰাণা আউট হোৱাৰ পাচত 31 ৰাণ কৰা আয়াৰো পেভিলিয়নমুখী হয় 17.4 অভাৰত ৷ নিৰ্ধাৰিত 20 অভাৰত 5 উইকেট হেৰুৱাই কেকেআৰে 200 ৰাণ সংগ্ৰহ কৰে (KKR Vs RCB match result) ৷
প্ৰত্যুত্তৰত আৰচিবিৰ হৈ বেটিং কৰিবলৈ অহা কোহলী আৰু ডু প্লেছিছে ঠিকেই আৰম্ভণি কৰে যদিও নিয়মিত উইকেট পতন তথা দুজনকৈ মিডল অৰ্ডাৰ বেটচমেনৰ দুৰ্বল প্ৰদৰ্শনৰ বাবে দলটো পৰাজয়ৰ সন্মুখীন হয় ৷ কেকেআৰৰ বৰুণ চক্ৰৱৰ্তীয়ে 3 টাকৈ উইকেট দখল কৰে (IPL 2023 Updates) ৷
আৰচিবিৰ অধিনায়কৰ দায়িত্ব পালন কৰা বিৰাট কোহলীয়ে 54 ৰাণ, লোমৰৰে 34 ৰাণ আৰু কাৰ্তিকে 22 ৰাণৰ বৰঙণি আগবঢ়াই যদিও বিজয়ী হ’বলৈ সক্ষম নহ’ল ৷ শ্বাহবাজ আৰু মেক্সৱেলৰ প্ৰদৰ্শন আছিল খুবেই হতাশজনক ৷ ডু প্লেছিছেও মাত্ৰ 17 ৰাণ কৰিয়েই আউট হয় ৷ 20 অভাৰত 8 উইকেট হেৰুৱাই 179 ৰাণহে সংগ্ৰহ কৰিবলৈ সক্ষম হয় ৷
পইন্ট তালিকা-
চেন্নাই- 10
গুজৰাট- 10
ৰাজস্থান- 8
লক্ষ্ণৌ- 8
বেংগালুৰু- 8
পঞ্জাৱ- 8
কলকাতা- 6
মুম্বাই- 6
হায়দৰাবাদ- 4
দিল্লী- 4
ৰয়েল চেলেঞ্জাৰ্ছ বেংগালুৰু: বিৰাট কোহলী (C), ডু প্লেছিছ, শ্বাহবাজ আহমেদ, গ্লেন মেক্সৱেল, মহিপাল লোমৰোৰ, দিনেশ কাৰ্তিক (Wk), সুয়াশ প্ৰভুদেশাই, ৱানিন্দু হাচাৰাংগা, ডেভিড ৱিলি, বিজয়কুমাৰ বৈশক, হৰ্ষল পেটেল আৰু মহম্মদ চিৰাজ ।
কলকাতা নাইট ৰাইডাৰ্ছ: এন জগদীশন (Wk), জেচন ৰয়, ভেংকটেশ আয়াৰ, নীতিশ ৰাণা (C), ৰিংকু সিং, আন্দ্ৰে ৰাছেল, সুনীল নাৰিন, ডেভিড ৱিজ, বৈভৱ অৰোৰা, উমেশ যাদৱ আৰু বৰুণ চক্ৰৱৰ্তী ।
লগতে পঢ়ক: IPL 2023 MI Vs GT: মুম্বাই ইণ্ডিয়ানছৰ বিৰুদ্ধে 55 ৰাণত জয়ী গুজৰাট টাইটানছ
