স্পৰ্টছ ডেস্ক, 24 ছেপ্তেম্বৰ : ডিফেণ্ডিং চেম্পিয়ন মুম্বাই ইণ্ডিয়ানছে বুধবাৰে আইপিএল 2020 ৰ প্ৰথমটো জয় সাব্যস্ত কৰে ৷ কলকাতা নাইট ৰাইডাৰ্ছক 49 ৰাণত পৰাস্ত কৰে মুম্বাই দলে ৷ মু্ম্বাই দলে প্ৰদান কৰা 196 ৰাণৰ লক্ষ্য অনুসৰণ কৰি কলকাতা দল 146/9 ত স্তব্ধ হৈ পৰে৷ আবু ধাবিৰ শ্বেইখ জায়েদ ষ্টেডিয়ামত অনুষ্ঠিত মেচখনত মুম্বাই ইণ্ডিয়ানছৰ দূৰ্দান্ত বলিঙৰ সন্মুখত হাৰ মানিবলৈ বাধ্য হয় কলকাতা দল ৷
প্ৰথমে বেটিং কৰি অধিনায়ক ৰোহিত শৰ্মাৰ 80 আৰু সূৰ্যকুমাৰ যাদৱৰ 47 ৰাণৰ জৰিয়তে মুম্বাই দলে 5 টা উইকেট হেৰুৱাই সংগ্ৰহ কৰে 195 ৰাণ ৷ আনহাতে, 196 ৰাণৰ লক্ষ্য অনুসৰণ কৰি কলকাতা দলে 146 ৰাণতে থমকি ৰবলৈ বাধ্য হয় ৷ কলকাতা দলৰ হৈ পেট কামিনছ আৰু দিনেশ কাৰ্তিকে ক্ৰমে 33 আৰু 30 ৰাণ সংগ্ৰহ কৰে ৷
স্কৰ বৰ্ড :
মুম্বাই ইণ্ডিয়ানছ : 20 অ'ভাৰত 195/5 ৰাণ (ৰোহিত শৰ্মা 80, সূৰ্যকুমাৰ যাদৱ 47, শিৱম মাবি 2/32)
কলকাতা নাইট ৰাইডাৰ্ছ : 20 অ'ভাৰত 146/9 (পেট কামিনছ 33, দিনেশ কাৰ্তিক 30, ট্ৰেন্ট বল্ট 2/30, জছপ্ৰীত বুমৰাহ 2/32)
লগতে পঢ়ক : RR বনাম CSK: লুংগি এনগিডীৰ অপ্ৰত্যাশিত অভিলেখ
